Президенти Ҷумҳурии Тоҷикистон

Ифтитоҳи корхонаи дӯзандагии Шарофат дар ноҳияи Ҳисор

27.10.2015 10:18, шаҳри Ҳисор

Дар маркази ноҳияи Ҳисор бо иштироки Президенти кишвар Эмомалӣ Раҳмон корхонаи дӯзандагии Шарофат мавриди баҳрабардорӣ қарор гирифт, ки бузургтарин дар ноҳия буда, дорои беш аз 400 ҷойи корӣ барои занону духтарони маҳаллӣ мебошад.

Меҳмони олимақомро дар саҳни ҳавлии корхонаи замонавӣхонандагону кормандон ва масъулини соҳа самимона истиқбол карданд.

Сарвари давлат Эмомалӣ Раҳмон бо буридани лентаи рамзӣ ба фаъолияти ин иншооти саноатӣ, ки ба ифтихори 3000-солагии Ҳисори шодмон бунёд шудааст, оғози расмӣ бахшид.

Зикр гардид, ки корхонаи мазкур дар заминаи маҷмааи хизматрасонии Даҳбед аз ҷониби соҳибкори маҳаллӣ Ҷамшед Зиёев дар майдони як гектар доман густурдааст.

Корхонаи дӯзандагии Шарофат бо дастури бевоситаи Сарвари давлат Эмомалӣ Раҳмон, ки 15-уми августи соли 2014 зимни ба истифода супоридани маркази хизматрасонии Даҳбеди ноҳияи Ҳисор дода шуда буд,дар муҳлати кӯтоҳ бунёд гардид.

Корхонаи мазкур бо харҷи 7 миллион сомонӣ аз ҷониби бинокорони ҷамъияти дорои масъулияти маҳдуди Алазиз дар зарфи панҷ моҳ бо санъати баланд ба анҷом расонида шуд.

Дар корҳои сохтмонӣ 140 нафар сокинони таҳҷоӣ соҳиби ҷойи кор ва маоши баланд гардида буд.

Президенти кишвар Эмомалӣ Раҳмон зимни шиносоӣ бо ҷараёни истеҳсолот дар корхона бо занону духтарон суҳбати озоду самимӣ доир намуда, бунёди чунин иморати муосирро туҳфаи арзишманд барои занону духтарон дар рӯзи ҷашни 3000 – солагии Ҳисор унвон кард.

 Аз тарафи соҳибкори созанда 200 таҷҳизоти дӯзандагӣ, дарзмолкунӣ ва бурандагӣ аз ширкати Кем-Суи Ҷумҳурии Мардумии Чин ворид ва васл шудаанд.

Рӯзҳои наздик зиёда аз 200 мошинаи дигари дарздӯзӣ дастраси кормандон мешавад.

Дар ошёнаи дуюм чор нафар мутахассисони хориҷӣ нозукиҳои кори ин дастгоҳҳоро, ки бо технологияи муосири компютерӣ фаъолият мекунанд, ба занону духтарон меомӯзонанд.

Дар синфхонаҳои омӯзишӣ 30 нафар дар як баст метавонанд таҳсил карда, соҳиби сертификати ин корхона шаванду ба пешбурди кори соҳаи истеҳсолӣ сафарбар шаванд.

Президенти кишвар Эмомалӣ Раҳмон зимни шиносоӣ бо технологияҳои нави дӯзандагӣ ба дастандардкорон барои боз ҳам беҳтар кардани сифат  ва рақобатпазирии маҳсулоташон маслиҳатҳои муфид дод.

Қайд шуд, ки корхона дар як шабонарӯз 150 то 200 ҷуфт либоси мактабӣ омода месозад ва дар як моҳ ин нишондод ба 4,5-5 ҳазор либосимактабӣ рост меояд. Дар баробари ин мутахассисони соҳа барои омӯзгоронва кормандони дигар корхонаю муассисаҳо сару либосҳои шинами корӣтайёр хоҳанд кард.

Барои роҳ ёфтани маҳсулоти корхона ба бозори хориҷӣ соҳибкор бо яке аз корхонаҳои дӯзандагии шаҳри Екатеринбурги Федератсияи Русия шартномаи ҳамкорӣ ба имзо расонидааст ва 90% маҳсулоти корхона ба кишварҳои Русия, Белоруссия, Қазоқистон ва бархе аз дигар давлатҳо барои фурӯш боядсодирот шавад.

Маркази хизматрасонии Даҳбед, ки соли гузашта ба кор оғоз намуда буд, дорои меҳмонхонаи замонавӣ, ошхона, маркази хизматрасонии бонкӣ, 75 нуқтаи фурӯши маҳсулоти рӯзгор, корхонаи рангуборкунии матоъ ва коргоҳи хурди дӯзандагӣ бо 100 ҷойи корӣ мебошад.

Президенти кишвар Эмомалӣ Раҳмон ин ҳама созандагию бунёдкорӣ ва ташкили корхонаҳои азими саноатиро дар кишвар барои таъмини занону модарон бо кори доимӣ ва баровардани маҳсулоти дохилӣ ба бозорҳои ҷаҳон муҳим ва зарурӣ арзёбӣ кард.

Тавре зикр гардид, дар ноҳияи Ҳисор то ин вақт чунин корхонаи калони дӯзандагӣ вуҷуд надошт то хонандагони ноҳияро бо сару либоси зебои мактабӣ таъмин созанд.

Бояд ёдовар шуд,  ки дар ошёнаи аввали бино ҳамчунин бунгоҳи тиббӣба фаъолият оғоз кард, ки дар баробари ташхиси кормандон ба сокинони гирду атрофи ҷамоати шаҳраки Ҳисор хизмати бедареғи тиббӣ мерасонад.

Соли охир сохтмони корхонаҳои хурду бузурги саноатӣ бо ҷаҳду талошҳои Ҳукумати мамлакат ва бахши хусусӣ афзудааст, ки дар баланд бардоштани рушди иқтидори миллӣ ва ғанӣ гардондани буҷаи кишвар ва таъмини бозори дохилӣ бо маҳсулоти воридотивазкунада мусоидат хоҳанд кард.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520