Худи ҳамон рӯз Президенти Ҷумҳурии Тоҷикистон Эмомалӣ Раҳмон дар қароргоҳи муваққатии худ дар шаҳри Остона вазири корҳои хориҷии Ҳиндустон Натвар Сингхро ба ҳузур пазируфт.
Дар ҷараёни мулоқот маҷмӯи васеи масъалаҳои ҳамкориҳои дуҷонибаи иқтисодӣ, тиҷоратӣ ва илмию техникӣ мавриди муҳокима қарор гирифтанд.
Президенти Ҷумҳурии Тоҷикистон Эмомалӣ Раҳмон гуфт, ки Ҳукумати Ҷумҳурии Тоҷикистон ба таҳкими муносиботи дуҷониба бо Ҷумҳурии Ҳиндустон манфиатдор буда, ба ояндаи бобарору пурсамари ҳамкориҳо эътимоди амиқ дорад.
Таъкид гардид, ки ба ҳайси мушоҳид пазируфта шудани Ҷумҳурии Ҳиндустон ба Созмони Ҳамкории Шанхай омили муҳимми рушди ҳамкориҳои минтақавӣ, таҳкими муносиботи бисёрҷонибаи серҷанба дар доираи ин созмони мӯътабари ҷаҳонӣ мебошад.
Дар мулоқот доир ба муҳимтарин масъалаҳои дорои характери минтақавию байналмилалӣ табодули назар карда шуд.