Президенти Ҷумҳурии Тоҷикистон Эмомалӣ Раҳмон дар доираи барномаи ташрифи худ ба ИМА бо директори генералии ташкилоти озӯқаворӣ ва кишоварзии Созмони Милали Муттаҳид (ФАО) Жак Дюф мулоқот кард.
"Ҷумҳурии Тоҷикистон ҳамчун мамлакати аграрӣ ба рушди ҳамкориҳо бо ташкилоти озӯқаворӣ ва кишоварзии Созмони Милали Муттаҳид манфиатдор аст", - гуфт дар оғози сӯҳбат Президенти Ҷумҳурии Тоҷикистон Эмомалӣ Раҳмон ва афзуд, ки 75 фоизи аҳолии Тоҷикистон дар деҳот маскан дошта, ба корҳои кишоварзӣ шуғл меварзанд. Бо шарофати ислоҳоти дурусти кишоварзӣ ва ривоҷи шаклҳои нави ғайридавлатии хоҷагидорӣ истеҳсоли маҳсулоти аграрӣ 70 фоиз афзуд, - ёдрас шуд Президенти Ҷумҳурии Тоҷикистон Эмомалӣ Раҳмон.
Ҷонибҳо изҳори умед намуданд, ки бо талоши рӯзафзун дар оянда низ рушди ҳамкориҳо ба татбиқи боз ҳам бобарори ислоҳоти кишоварзӣ дар Ҷумҳурии Тоҷикистон мусоидат хоҳад кард.
17 сентябр Президенти Ҷумҳурии Тоҷикистон Эмомалӣ Раҳмон ба Ватан баргашт.