Сарвари давлати Тоҷикистон бо ифодаи эҳтиром ба пирони рӯзгордида, ба хусус собиқадорони ҷангу меҳнат ба хонаи раиси Шӯрои собиқадорони ҷангу меҳнати вилояти Хатлон Раҳмат Розиқов ташриф овард.
Президенти Ҷумҳурии Тоҷикистон Эмомалӣ Раҳмон ба Раҳмат Розиқов ва дигар собиқадорону пирони хирад барои хизматҳои шоёнашон дар назди халқу ватан, баҳри ҳифзи он аз хатари фашизми гитлерӣ, барои таълиму тарбияи наслҳои минбаъдаи Тоҷикистони азиз дар рӯҳияи ватандӯстию садоқат ва худшиносию худогоҳӣ изҳори сипос намуда, аз вазъи рӯзгорашон пурсон шуд.
Пирони барнодил низ ба Сарвари давлат барои ғамхориҳои пайвастааш нисбати собиқадорони ҷангу меҳнат, маъюбону бепарасторон ва мӯҳтоҷон арзи сипос намуда, барояш дуои нек карданд.