Президенти Ҷумҳурии Тоҷикистон

Мулоқот бо Шоҳзода Карим ал-Ҳусайн Оғохони IV

09.10.2005 11:00, Франсия

Президенти Ҷумҳурии Тоҷикистон Эмомалӣ Раҳмонов дар қароргоҳи Шоҳзода Карим ал-Ҳусайн Оғохони IV дар шаҳри Париж бо ин шахсияти барои Тоҷикистониён маъруфу шинохта мулоқот намуд.

Дар вохӯрӣ доираи васеи ҳамкориҳои судманди Тоҷикистон бо созмонҳои мухталифи тобеи Карим Оғохони IV мавриди баррасӣ қарор гирифт.

Шоҳзода Оғохони IV Президенти Ҷумҳурии Тоҷикистон Эмомалӣ Раҳмоновро дар қароргоҳи доими худ хайрамақдам гуфта, ба баргузоршавии рӯзҳои фарҳанги Тоҷикистон дар ЮНЕСКО ба Сарвари давлат ва мардуми Тоҷикистон ибрози табрику таҳният намуд.

Президенти Ҷумҳурии Тоҷикистон Эмомалӣ Раҳмонов ба Шоҳзода Карим Оғохони IV ҷиҳати саҳми намоёну арзандааш дар татбиқи амалии як қатор лоиҳаҳои барои мардуми Тоҷикистон муҳим ва таъсири неки фаъолияташ ба паст намудани сатҳи камбизоатии аҳолии ҷумҳурӣ арзи қадрдонӣ намуд.

Дар мулоқот атрофи доираи васеи ҳамкориҳои Тоҷикистон бо созмонҳои Шоҳзода, рушди иқтисодию иҷтимоии кишвари мо ва вазъи кунунии ҷумҳурӣ ва минтақа мубодилаи афкор сурат гирифт.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520