Президенти Ҷумҳурии Тоҷикистон

Эмомалӣ Раҳмон ба дохили хонаи Худо-Каъбатуллоҳ ворид шуд

08.12.2005 16:00, Арабистони Саудӣ

Қобили таъкиди махсус аст, ки рӯзи 8 декабр бо даъвати шоҳи Арабистони Саудӣ Малик Абдулло ибни Абдулазиз Оли Сауд баъди анҷоми иҷлосияи сеюми фавқулодда Президенти Ҷумҳурии Тоҷикистон Эмомалӣ Раҳмон ба дохили хонаи Каъба даромада, онро аз дарун зиёрат кард. Ин ҳуқуқро танҳо Подшоҳи Арабистони Саудӣ, Ходим-ул- Ҳарамайн, яъне хидматгори ду макони муқаддастарини мусулмонони олам Маккаю Мадина дораду бас.

Он рӯз ин шарафи бузург, орзуи ҳаётӣ ва имконнопазири ҳар як мусулмони рӯи олам бори аввал ба Президенти Ҷумҳурии Тоҷикистон Эмомалӣ Раҳмон муяссар гашт, ки боиси ифтихору сарбаландии кулли шаҳрвандони ҷумҳурӣ аз бахти баланди Сарвари давлати мо Эмомалӣ Раҳмон аст.

Бояд тазаккур дод, ки Президенти Ҷумҳурии Тоҷикистон Эмомалӣ Раҳмон зимни ин сафар бори 5-ум дар иҷлосияи Созмони Конфронси Исломӣ иштирок намуд.

Сарвари давлати Тоҷикистон Эмомалӣ Раҳмон бо баромаду пешниҳодҳои дархӯри дарди ҷомеа, фарогири мушкилоти мавҷуда ва роҳҳои ҳаллу фасли онҳо дар байни сарони кишварҳои аъзои ин ва дигар созмонҳои бонуфузи минтақавию ҷаҳонӣ ба ҳайси як сиёсатмадори варзидаи ҷаҳонӣ эътироф гаштааст.

Ҳамин тариқ сафари навбатии Президенти Ҷумҳурии Тоҷикистон Эмомалӣ Раҳмон ба Арабистони Саудӣ бо натиҷаҳои зиёди судбахш барои афзоиши нуфуз ва обрӯю эътибори Тоҷикистон дар арсаи ҷаҳонӣ ва ба роҳ мондани ҳамкориҳои судбахши оянда шоми рӯзи 8 декабр анҷом ёфт.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520