14 январ Президенти ҷумҳурӣ Эмомалӣ Раҳмон ба унвони Президенти ҷумҳурии Узбекистон Ислом Каримов вобаста ба ҳодисаи суқути ҳавопаймои Як – 40 дар фурудгоҳи шаҳри Тошкент барқияи тасаллият ирсол намуд, ки дар он аз ҷумла омадааст:
Ислом Абдуғаниевичи мӯҳтарам, дар Ҷумҳурии Тоҷикистон хабари фалокати тайёраи Як – 40 – ро, ки боиси фавти одамон гардид, бо андӯҳи гарону таассуф қабул намуданд.
Аз номи халқи Тоҷикистон ба Шумо таъзияи амиқу самимӣ баён карда, хоҳишмандам ба наздикону пайвандони фавтидагон ҳамдардии моро расонед.