Президенти Ҷумҳурии Тоҷикистон

Суҳбати телефонӣ бо раиси вилоятҳои Суғду Хатлон ва раиси ноҳияи Восеъ

09.03.2004 14:00, шаҳри Душанбе

9 март Президенти Ҷумҳурии Тоҷикистон Эмомалӣ Раҳмон бо раиси вилояти Суғд Қосим Қосимов, раиси вилояти Хатлон Амиршо Миралиев ва раиси ноҳияи Восеъ Алимурод Тағоймуродов сӯҳбати телефонӣ дошт.

Мавзӯъи сӯҳбат асосан масъалаҳои вобаста ба омодагӣ ба кишту кори баҳорӣ, ободонӣ ва рафти иҷрои буҷети давлатии Ҷумҳурии Тоҷикистонро дар бар гирифт.

Президенти Ҷумҳурии Тоҷикистон Эмомалӣ Раҳмон ташкили сатҳи баланди корҳои саҳроӣ, тақсими замин ба аҳолӣ ва истифодаи самароноки он, расонидани сӯзишворию нуриҳои минералӣ, ҷараёни соҳилмустаҳкамкуниро аз муҳимтарин вазифаҳои масъулин арзёбӣ намуда, онҳоро ба таъмини шароитҳои мусоиди пешбурди кори кишоварзон вазифадор кард. Сарвари давлат афзуд, ки ташкили дурусти марҳилаи кишту кори баҳорӣ омили асосии фаровонҳосилӣ, натиҷаҳои бобарори заҳмати кишоварзон ва ғанӣ гардидани бозори дохилӣ хоҳад буд, аз ин рӯ дар ин рӯзҳои баҳорӣ бояд аз тамоми имконияту захираҳо самарабахш истифода намуд.

Роҳбарони вилоятҳои Суғду Хатлон инчунин бобати дар сатҳи баланд истиқбол намудани ҷашни миллии Наврӯз вазифадор гардиданд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520