26 апрел Президенти Ҷумҳурии Тоҷикистон Эмомалӣ Раҳмон Дабири кулли Иттиҳоди иқтисодии Аврупову Осиё Григорий Рапотаро ба ҳузур пазируфт.

Дар вохӯрӣ муҳимтарин масъалаҳои вазъи кунунии иттиҳоди иқтисодии Аврупову Осиё мавриди таҳлил қарор гирифт.

Тоҷикистон, изҳор дошт Президенти Ҷумҳурӣ Эмомалӣ Раҳмон,  дар мавриди таҳкими самарабахшии Иттиҳоди иқтисодии Аврупову Осиё манфиатдор аст.

Ҷонибҳо дар бораи таъсиси таърифи умумии гумрукии иттиҳод, марҳилаи аввали раванди гуфтушунид дар бобати воридшавҳ  ба ташкилоти умумиҷаҳонии савдо, вусъати сохтмони нерӯгоҳи барқи обии Сангтӯда, дарёфти усулҳои танзими захираҳои обии минтақаи Осиёи Марказӣ ва дигар масоили муҳимми ҳамкориҳои минтақавӣ табодули назар намуданд.

Ҳамзамон масъалаи барқарор намудани хатсайри роҳи оҳани Душанбе-Москва муҳокима гардид. Дабири кулли Иттиҳоди иқтисодии Аврупову Осиё Григорий Рапота ба Президенти Ҷумҳурии Тоҷикистон Эмомалӣ Раҳмон иттилоъ дод, ки ин масъала дар Шӯрои сиёсати нақлиётӣ баррасӣ шуда буд ва ба кумитаи ҳамгироии Иттиҳоди иқтисодии Аврупову Осиё ирсол гардид.

Президенти Ҷумҳурии Тоҷикистон Эмомалӣ Раҳмон бо мақсади ҷалби сармояи хориҷӣ ва татбиқи лоиҳаҳои мавҷуда, аз ҷумла дорои аҳамияти байнидавлатӣ иқдоми баргузории конгресси байналмилалии таҳти унвони «Иттиҳоди иқтисодии Аврупову Осиё- соҳибкорӣ дар Амрико»-ро ҷонибдорӣ намуд.