Президенти Ҷумҳурии Тоҷикистон

Мулоқот бо Раиси Палатаи тиҷоратию саноатии Лоҳури Ҷумҳурии Исломии Покистон

14.05.2004 11:00, Покистон

Дар мулоқот Президенти Ҷумҳурии Тоҷикистон Эмомалӣ Раҳмон бо Раиси Палатаи тиҷоратию саноатии Лоҳур, ки нимаи аввали рӯзи 14-уми май баргузор гардид, ба маҳсулоти саноатии Ҷумҳурии Тоҷикистон аз қабили алюминий трансформаторҳо, нуриҳои маъданӣ, нерӯи барқ, бунёди корхонаҳои муштараки маводи алюминӣ, истеҳсоли намак, шакар, шарбатҳои гуногун, обҳои мева ва маъданӣ, ки метавонад фоидаи бузурги иқтисодӣ орад, мароқ зоҳир карда шуд.

Ҷонибҳо изҳор доштанд, ки механизми таъмини ҳамкории дуҷониба бояд такмил гардад. Зарур аст, ки фаъолияти комиссияи муштараки ҳамкорӣ хислати муназзам ва бештар амалӣ гирад. Ҳамзамон, равобити сохторҳои дигар, қабл аз ҳама палатаҳои савдо ва саноати ду кишвар ба назари ман бояд фаъол гардад.

Сипас Президенти Ҷумҳурии Тоҷикистон Эмомалӣ Раҳмон аз мавзеъҳои саёҳатӣ ва таърихии шаҳри Лоҳур-Мазори Иқбол, Масҷиди Подшоҳӣ, Қалъаи Лоҳур ва Боғи Шолимар дидан кард.

Худи ҳамон рӯз Президенти Ҷумҳурии Тоҷикистон Эмомалӣ Раҳмон аз шаҳри Лоҳури Ҷумҳурии Исломии Покистон ба шаҳри Душанбе баргашт.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520