27 июл Президенти Тоҷикистон Эмомалӣ Раҳмон ҷиҳати татбиқи натиҷаҳои сафари кориаш ба вилояти Хатлон ба Вазорати молияи Ҷумҳурии Тоҷикистон супориш дод, ки аз ҳисоби фонди захиравии Президенти Ҷумҳурии Тоҷикистон ба Вазорати меҳнат ва ҳифзи иҷтимоии аҳолии Ҷумҳурии Тоҷикистон барои таъмири Литсеи касбию техникии №40 шаҳри Сарбанди вилояти Хатлон 200000 (дусад ҳазор) сомонӣ ҷудо намояд.
Вазорати меҳнат ва ҳифзи иҷтимоии аҳолии Ҷумҳурии Тоҷикистон вазифадор гардид, ки истифодаи мақсадноки маблағҳои ҷудошударо таъмин карда, ба Вазорати молияи Ҷумҳурии Тоҷикистон ҳисоботи хароҷоти анҷомдодаро аз рӯи иншооти номбурда ва намуди корҳо пешниҳод намояд.