13 сентябр Президенти Ҷумҳурии Тоҷикистон Эмомалӣ Раҳмон дар доираи барномаи сафари кории Раиси Ҷумҳурии Исломии Эрон Сайид Муҳаммад Хотамӣ ҳамроҳи меҳмонони олиқадр ба маҳали бунёди неругоҳи барқи обии Сангтӯда рафт.
Мувофиқи ёддошти тафоҳум оид ба таъсиси ширкати тарҳи Сангтӯда-1, ки дирӯз дар ҳузури роҳбарони олимақоми Тоҷикистону Эрон аз ҷониби вазири энергетикаи Ҷумҳурии Тоҷикистон Ҷӯрабек Нурмуҳаммадов ва вазири нерӯи Ҷумҳурии Исломии Эрон Ҳабибуллоҳи Бетараф ба имзо расид, ҷониби Эрон 51 дарсади хароҷоти сохтмони ин нерӯгоҳи обию барқиро ба ӯҳда гирифт.
Президенти Ҷумҳурии Тоҷикистон Эмомалӣ Раҳмон ва Раиси Ҷумҳурии Исломии Эрон Сайид Муҳаммад Хотамӣ аз бахшҳои гуногуни ин иншооти стратегӣ дидан карда, бунёди ҳарчи зудтари онро боз як қадами устувори пешрафти ҳамкориҳо маънидод намуданд.