Президенти Ҷумҳурии Тоҷикистон

Сӯҳбати телефонӣ бо раисони шаҳру ноҳияҳои Кӯлоб, Ҳамадонӣ, Фархор ва Восеи вилояти Хатлон

20.09.2004 10:00, шаҳри Душанбе

20 сентябр Президенти Ҷумҳурии Тоҷикистон Эмомалӣ Раҳмон бо раисони шаҳру ноҳияҳои Кӯлоб, Ҳамадонӣ, Фархор ва Восеи вилояти Хатлон сӯҳбати телефонӣ анҷом дод.

Сарвари давлат аз масъулин доир ба авзои ҳозираи ҷамъоварии ҳосили пахта, пардохти музди меҳнати деҳқонону ёрдамчиён, истифодаи техникаи ҳосилғундор ва таъмини шароитҳои мусоиди кишоварзон дар давраи натиҷагирӣ аз ҳосили бо ранҷи зиёд парваришгардида пурсон шуд.

Тавре маълум гардид, баъди бо дахолати шахсии Сарвари давлат тариқи мусбат ҳал гардидани масъалаи таъмини хоҷагиҳои пахтакор бо заҳрхимикатҳо нашъунамои пахта беҳтар гардида, офатҳои табиӣ пешгирӣ карда шуд.

Деҳқонони пахтакори шаҳру ноҳияҳои Кӯлобу Ҳамадонӣ ва Фархору Восеъ алҳол тамоми қувваро баҳри вусъати ҷамъоварии ҳосили пахта равона карданд.

Президенти Ҷумҳурии Тоҷикистон Эмомалӣ Раҳмон ба раисони шаҳру ноҳияҳои номбурда дастур дод, ки бояд тамоми имкониятҳо баҳри сари вақту беталаф ҷамъоварӣ шудани ашёи хоми қимматбаҳо, ҳавасмандии моддии чинакчиён, ташкили дурусти кор ва истифодаи самараноки ҳар соати рӯзҳои офтобӣ равона карда шаванд.

Дар ҷараёни сӯҳбат ба масъалаҳои пардохти бемамонияти маошу нафақаи шаҳрвандон, омодагӣ ба фасли зимистон, беҳдошти сифати таълиму тарбия ва хизматрасониҳои ҳифзи сиҳатии омма таваҷҷӯҳ зоҳир карда шуд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520