Президенти Ҷумҳурии Тоҷикистон

Сӯҳбати телефонӣ бо Президенти Федератсияи Россия Владимир Путин

05.10.2004 15:00, шаҳри Душанбе

Нимаи дуюми рӯзи 5 октябр гуфтугӯи телефонии байни Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин сурат гирифт.

Президенти Россия Сардори давлати Тоҷикистонро ба муносибати зодрӯзаш аз самими қалб муборакбод намуда, ба вай тансиҳатию саодат ва ба халқи тоҷик сулҳу беҳбудӣ орзу намуд.

Эмомалӣ Раҳмон ба Владимир Путин барои табрику таҳнияти самимонааш изҳори миннатдорӣ карда, дар навбати худ Президенти Федератсияи Россияро ба муносибати наздик шудани зодрӯзи сарвари Русияи дӯст аз самими қалб муборакбод карда изҳори умедворӣ намуд, ки сафари қарибулвуқӯъи Владимир Путин ба Тоҷикистон боз як қадаме дар роҳи таҳкими ҳамкории зичи ҳар ду мамлакат мегардад. Сардори давлати Тоҷикистон ба Президенти Россия саодатмандӣ, беҳбудӣ ва ба нафъи Россия муваффақиятҳои нав орзу кард.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520