Президенти Ҷумҳурии Тоҷикистон

Супоридани мукофотҳои давлатӣ ва рутбаҳои навбатӣ ба ифтихори 80-умин солгарди фаъолияти Прокуратураи Тоҷикистон

24.12.2004 14:00, шаҳри Душанбе

24 декабр Президенти Ҷумҳурии Тоҷикистон Эмомалӣ Раҳмон ба ифтихори 80-умин солгарди фаъолияти Прокуратураи Тоҷикистон ба гурӯҳи калони кормандони соҳа мукофотҳои давлатӣ ва рутбаҳои навбатиро супурд.

Бо Фармони Президенти Ҷумҳурии Тоҷикистон барои хизматҳои шоиста ва саҳми шахсӣ дар таҳкими қонуният ва тартиботи ҳуқуқӣ беҳтарин кормандони бахшҳои мухталифи Прокуратура аз минтақаҳои гуногуни ҷумҳурӣ бо Ордени Шараф дараҷаи 1, Ордени Шараф дараҷаи 2, медали ҷасорат ва ифтихорномаи Ҷумҳурии Тоҷикистон сарфароз гардиданд.

Ҳамзамон мутобиқи моддаи 69-и Конститутсияи (Сарқонуни) Ҷумҳурии Тоҷикистон ва низомнома дар бораи рутбаҳои дараҷавии кормандони мақомоти Прокуратураи Ҷумҳурии Тоҷикистон, ки бо Фармони Президенти Ҷумҳурии Тоҷикистон аз 17 апрели соли 1998 тасдиқ шудааст, ба муовини аввали Прокурори генералии Ҷумҳурии Тоҷикистон Абдусамӣ Додобоев, сардори раёсати тафтишии парвандаҳои ҷиноии махсусан муҳимми Прокуратураи Генералии Ҷумҳурии Тоҷикистон Баҳодур Ҳамидов ва сардори раёсати назорати умумии Прокуратураи Генералии Ҷумҳурии Тоҷикистон Мироҷиддин Ҳакимов рутбаи дараҷавии навбатии Мушовири адлияи дараҷаи 3-юм ва бо Фармони Президенти Ҷумҳурии Тоҷикистон ба муовини Прокурори генералӣ – Сарпурокурори ҳарбии Ҷумҳурии Тоҷикистон рутбаи ҳарбии навбатии генерал-майори адлия дода шуд.

Президенти Ҷумҳурии Тоҷикистон Эмомалӣ Раҳмон ҳозиринро барои шарафёбӣ бо мукофотҳои давлатӣ ва рутбаҳои навбатӣ шодбош гуфта, дар фаъолияти содиқонаву пурифтихорашон барору муваффақият таманно кард.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520