13 март Президенти Ҷумҳурии Тоҷикистон Эмомалӣ Раҳмон Котиби генералии Иттиҳоди иқтисодии Аврупою Осиё (ИИАО) Григорий Рапоторо ба ҳузур пазируфт.
Зимни мулоқоти судманд ҷонибҳо оид ба вазъи ИИАО ва дурнамои ҳамгироии давлатҳои аъзои Созмон мубодилаи афкор карданд. Диққати махсус ба ҳамкории бисёрҷониба дар соҳаҳои энергетика ва нақлиёт дар доираи ИИАО дода шуд. Қисми муҳимми сӯҳбат ба масъалаҳои омодагӣ ба ҷаласаи Шӯрои байнидавлатии ИИАО, ки баргузории он охири моҳи апрел дар шаҳри Душанбе ба нақша гирифта шудааст, бахшида шуд.