3 апрел Президенти Ҷумҳурии Тоҷикистон Эмомалӣ Раҳмон бо раиси Ҳукумати интиқолии Афғонистон Ҳомид Карзай сӯҳбати телефонӣ дошт.

Сарони давлатҳои ҳамсоя атрофи ҳолати кунунӣ ва дурнамои муносибатҳои дуҷониба, ҳамчунин масъалаҳои минтақа ва байналмилалӣ мубодилаи афкор карданд. Зимни баррасии инкишофи ҳамкории Тоҷикистону Афғонистон мусоҳибон бо пешниҳоди Президенти Ҷумҳурии Тоҷикистон Эмомалӣ Раҳмон ба созиш дар бораи сафари ҳайати расмии олимақоми ин кишвар ба Тоҷикистон расиданд.