8 апрел дар доираи сафари расмии Президенти Украина Леонид Кучма ба Тоҷикистон мулоқоти дуҷониба дар сатҳи олӣ баргузор гардид.
Президентҳои Тоҷикистон ва Украина дар ҷараёни мулоқоти "як ба як" маҷмӯи васеи масъалаҳои ҳолати кунунӣ ва дурнамои муносибатҳои дуҷонибаро баррасӣ намуда, оид ба мавқеи кишвари худ ба баъзе проблемаҳои минтақавӣ ва байналмилалии мавриди таваҷҷӯҳи тарафайн мубодилаи афкор карданд.
Сарони давлатҳо омодагии худро ҷиҳати ҳамкории зич дар сатҳи дуҷониба ва дар доираи СММ, САҲА, ИДМ ва дигар созмонҳои байналмилалӣ таъкид намуданд.
Эмомалӣ Раҳмон ва Леонид Кучма ба зарурати идомаи кор оид ба ташаккули заминаи қарордодию ҳуқуқии муносибатҳои байни ду кишвар диққати хос доданд.