21 май Президенти Ҷумҳурии Тоҷикистон Эмомалӣ Раҳмон муовини вазири корҳои хориҷии Италия Маргерит Бониверро ба ҳузур пазируфт.

Дар ҷараёни сӯҳбат мусоҳибон ба сатҳи ҳозираи муносибатҳои дуҷониба баҳои баланд доданд. Қайд карда шуд, ки ин сафари Бонивер идомаи равобити сиёсии Тоҷикистону Италия мебошад.

Ҳамзамон ҷонибҳо ба зарурати фароҳам овардани заминаи ҳуқуқӣ барои рушду густариши минбаъдаи ҳамкории дуҷониба диққати калон доданд.

Мусоҳибон ҳамчунин оид ба вазъи кунунии Афғонистон ва минтақа мубодилаи афкор карданд.