22 июл Президенти Ҷумҳурии Тоҷикистон Эмомалӣ Раҳмон ба муносибати Рӯзи забон ба ҳамватанон номаи табрикӣ ирсол намуд.
Дар нома қайд карда мешавад, ки "аз рӯзи қабули Қонуни Ҷумҳурии Тоҷикистон "Дар бораи забон" чордаҳ сол гузашт. Дар ин марҳилаи начандон тӯлонӣ мақом ва эътибори забони тоҷикӣ ба андозае боло рафт, ки дар давоми чандин даҳсолаи асри ХХ ба ин андоза инкишоф наёфта буд."
Баъдан ба мавқеи забон дар ҷомеа баҳо дода, Сардори давлат дар номаи худ зикр кардааст, ки "забон барои як давраи муайяни таърихӣ ва ё танҳо барои як насл хизмат намерасонад, балки забон худ таърихи зиндагии миллат ва пайвандгари наслҳои дирӯзу имрӯзу фардо мабошад."
Президенти Ҷумҳурии Тоҷикистон Эмомалӣ Раҳмон ҳамаи ҳамватанонро бо ин ҷашни фархунда самимона табрик гуфта, ба ҳар хонаводаи мардуми Тоҷикистони азизамон ободӣ, оромӣ ва муҳаббату самимият орзу намудааст.