15 август Президенти Ҷумҳурии Тоҷикистон Эмомалӣ Раҳмонов бо мақсади шиносоӣ бо вазъи имрӯзаи соҳаҳои гуногуни ҳаёти мардум, рушти иҷтимоию иқтисодии қисмати шимолии ҷумҳурӣ ба вилояти Суғд ташриф овард.
Сафари кории Эмомалӣ Раҳмонов аз ноҳияи Айнӣ оғоз ёфт. Сардори давлат дар деҳаи тозабунёди Ревад дар маросими кушодашавии мактаби миёнаи нав ширкат варзид. Ба ин муносибат ҷамъомади серодам ташкил карда гардид. Сардори давлат зикр намуд, ки масъалаи ободии деҳа дар маркази таваҷҷӯҳи роҳбарияти давлату Ҳукумат қарор дорад. Сардори давлат ба масъалаҳои таъминоти мактаб бо воситаҳои хониш, омӯзгорон, техникаи компютерӣ, забономӯзӣ ва ғайра мароқ зоҳир намуд.