22 январ Президенти Ҷумҳурии Тоҷикистон Эмомалӣ Раҳмон ҳайати Ҷумҳурии Халқии Чинро бо сарварии узви Шӯрои давлатии ин кишвар Исмоил Аймат ба ҳузур пазируфт.
Дар ҷараёни мулоқот, ки дар фазои дӯстӣ ва ҳусни тафоҳум доир гардид, масъалаҳои ҳолати кунунӣ ва дурнамои ҳамкории дуҷониба, ҳамгироии ду давлат дар доираи созмонҳои байналмилалӣ, вазъи минтақа ва барқарорсозии Афғонистон муҳокима гардиданд.
Зимни баррасии масъалаи ҳамкории Тоҷикистону Чин дар доираи Созмони Шанхай мусоҳибон изҳори боварӣ карданд, ки ин сохтор дар асоси ҳамкории бисёрҷониба ба таҳкими сулҳу субот дар минтақа таъсири мусбат мерасонад.
Мусоҳибон ҳамчунин баъзе масъалаҳои байналмилалии мавриди таваҷҷӯҳи тарафайнро муҳокима намуданд.