Шоми 6 декабр Президенти Ҷумҳурии Тоҷикистон Эмомалӣ Раҳмон ба вазорати корҳои дохилӣ, амнияти дохилӣ ва худидоракунии маҳаллии Фаронса омад. Сарвари давлати Тоҷикистонро вазир Никола Саркози истиқбол намуд.
Дар ин ҷо дар ҳузури Президенти Ҷумҳурии Тоҷикистон Эмомалӣ Раҳмон вазири амнияти Ҷумҳурии Тоҷикистон Хайриддин Абдураҳимов ва вазири корҳои дохили, амнияти дохилӣ ва худикоракунии ҶФ Никола Саркози Созишномаи байниҳукуматӣ дар бораи ҳамкорӣ дар соҳаи амнияти дохилиро имзо карданд.
Баъд аз ин музокирот оид ба инкишофи ҳамкории техникӣ ва фаврӣ, ҳамчунин дар бораи расондани кӯмаки мутабодил дар мубориза бар зидди ҷинояткории муташаккилона, гардиши ғайриқонунии маводи мухаддир ва ғайра доир гардид.