Президенти Ҷумҳурии Тоҷикистон

Машварати корӣ

16.12.2002 14:00, шаҳри Душанбе

16 декабр Президенти Ҷумҳурии Тоҷикистон Эмомалӣ Раҳмон доир ба масъалаҳои иҷрои Қарори Ҳукумати Ҷумҳурии Тоҷикистон "Дар бораи сари вақт омода намудани соҳаҳои иқтисодиёти ҷумҳурӣ барои фаъолият дар давраи омодагӣ ба мавсими тирамоҳу зимистони солҳои 2002-2003" машварати корӣ гузаронид.

Дар машварат роҳбарони вазорату идораҳо ва корхонаю муассисаҳо, ки барои иҷрои қарори зикршудаи ҳукумат масъул шуда буданд ба Сарвари давлат ҳисобот доданд.

Президенти Ҷумҳурии Тоҷикистон Эмомалӣ Раҳмон кори ғайриқаноатбахши сохторҳои давлатӣ, соҳаҳои комплеки сӯзишворию энергетика ва ҳукумати шаҳри Душанберо дар бобати тайёрӣ ба мавсими зимистон дар асоси далелҳо сахт танқид намуд. Зикр шуд, ки дар натиҷаи ин беаҳамиятиҳо дар давоми даҳ рӯзи аввали моҳи декабри соли равон дар пойтахти ҷумҳурӣ вазъияти ногувор ба амал омад.

Сарвари давлат дар ҷараёни машварат талаб намуд, ки чунин вазъият дар муддати кӯтоҳ беҳтар карда шавад ва барои ба эътидол овардани ин вазъият супоришу дастурҳои мушаххас дод.

Аз ҷумла супориш дода шуд, ки барои тафтиши сабабҳои ба амал омадани вазъияти фавқулодда дар пойтахти мамлакат аз ҷумлаи намояндагони Прокуратураи генералӣ, вазоратҳои корҳои дохилӣ, амният ва шӯъбаҳои Дастгоҳи иҷроияи Сарвари давлат комиссия таъсис дода шавад.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520