24 апрел Президенти Ҷумҳурии Тоҷикистон Эмомалӣ Раҳмон намояндагони ташкилотҳои байналхалқии молиявию қарзиро, ки дар Тоҷикистон фаъолият доранд, қабул намуд.
Дар рафти вохӯрии муштарак роҳбарони намояндагиҳои Хазинаи Байналмилалии Асъор, Бонки Умумиҷаҳонӣ, Бонки Осиёии Рушд, ки сармоягузорони асосии лоиҳаҳои иқтисодии инкишоф дар Тоҷикистон мебошанд, дар бораи натиҷаҳои амалигардонии барномаҳои муштарак ва лоиҳаҳо дар ҷумҳурӣ, нақшаҳо ва дурнамои ҳамкориҳо дар ояндаи наздик ба Эмомалӣ Раҳмон ба таври умумӣ иттилоъ доданд.
Сардори давлати Тоҷикистон мушаххасу далелнок мавқеи худро аз рӯи тамоми паҳлӯҳои масъалаҳои муҳокимагашта баён намуд ва ба намояндагони тобеи худ оид ба амалигардонии ислоҳоти иқтисодӣ дар мамлакат супоришҳои мушаххас дод.