9 май Президенти Ҷумҳурии Тоҷикистон Эмомалӣ Раҳмон дар пояи сутуни ёдгории майдони Ғалабаи пойтахт бахшида ба 56-умин солгарди ғалаба бар фашизм гулчанбар гузошт.

Президенти Ҷумҳурии Тоҷикистон собиқадорони ҷанг ва ҳамаи сокинони мамлакатро бо ин ид табрик намуда, афзуд, ки "9 май ҳақиқатан иди бузурги миллӣ мебошад. Ғалаба дар Ҷанги Бузурги Ватанӣ ба ивази ҳазорҳо қурбонӣ ва қаҳрамонии бемисли аскарону афсарон ба даст оварда шуд".

 "Саҳми фарзандони Тоҷикистон низ дар таъмини ғалаба дар Ҷанги Бузурги Ватанӣ калон аст. Номҳои қаҳрамонҳои Иттиҳоди Шӯравӣ Неъмат Қарабоев, Тӯйчӣ Эрйигитов, Саидқул Турдиев ва ҳазорон нафар ҳамдиёрони мо дар таърихи миллат бо ҳарфҳои заррин сабт шудаанд" - зикр намуд Эмомалӣ Раҳмон.