Президенти Ҷумҳурии Тоҷикистон

Сафари корӣ ба ноҳияи Колхозобод

20.07.2001 19:00, ноҳияи Ҷалолиддини Балхӣ

20 июл Президенти Ҷумҳурии Тоҷикистон Эмомалӣ Раҳмон ба ноҳияи Колхозобод ташриф овард.

Эмомалӣ Раҳмон нахуст ба хоҷагии ба номи Ниёзмуҳаммад Беков ташриф оварда, бо деҳқонон ва мутахассисони хоҷагӣ сӯҳбат орост. Аз меҳнати хуби пахтакорон, ки аз ҳар гектар 35 сентнер ҳосил мегиранд, изҳори қаноатмандӣ намуд. Деҳқонон доир ба ҳалли мушкилоту проблемаҳои соҳа ба Сарвари давлат арз намуданд. Эмомалӣ Раҳмон дархосту пешниҳодҳои кишоварзонро ба инобат гирифта, зикр кард, ки онҳо дар рӯзҳои наздик мавриди баррасӣ қарор хоҳанд гирифт.

20 июл Президенти Ҷумҳурии Тоҷикистон Эмомалӣ Раҳмон бо рафти корҳои саҳро дар хоҷагии ба номи Сафар Ҷумъаеви ноҳияи Колхозобод шинос гардид.

Эмомалӣ Раҳмон аз дастовардҳое, ки мутахассисони хоҷагӣ дар самти чорводорӣ ноил гардидаанд, изҳори қаноатмандӣ намуд. Зикр гардид, ки дар натиҷаи дуруст ба роҳ мондани кор дар ин самт имрӯз хоҷагӣ соҳиби 9000 гӯсфанд ва 130 сар асп гаштааст, ки ин метавонад барои бисёре аз хоҷагиҳои кишоварзии вилоят намунаи ибрат бошад.

20 июл Президенти Ҷумҳурии Тоҷикистон Эмомалӣ Раҳмон ба хоҷагии ба номи Тӯрақул Эҳсонқулов, ки яке аз хоҷагиҳои пешқадами ноҳияи Колхозобод маҳсуб мегардад, ташриф овард.

Сарвари давлат бо мутахассисон ва меҳнаткашони хоҷагӣ сӯҳбат ороста, оид ба беҳтар ба роҳ мондани кор дар хоҷагӣ ва баланд бардоштани ҳосилнокӣ маслиҳатҳои муфид дод.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520