4 август Президенти Ҷумҳурии Тоҷикистон Эмомалӣ Раҳмон дар чаҳорчӯбаи сафари худ ба ноҳияҳои Ҳисор ва Шаҳринав дар бинои Ҳукумати ноҳияи Ҳисор бо иштироки фаъолони ҳарду ноҳия машварат доир намуд.
Дар рафти машварат оид ба корҳои анҷомёфта марбут ба иҷрои фармонҳо ва дастурҳои Президенти Ҷумҳурии Тоҷикистон, Қарорҳои Ҳукумат ва қонунҳои қабулгардида таҳлил, камбудию норасоиҳо ва роҳҳои бартараф сохтани онҳо муайян , нақшаҳои фаъолияти оянда муқаррар ва ба вазъияти ҷамъиятиву сиёсӣ ва иҷтимоию иқтисодӣ дар арафаи ҷашни 10 солагии истиқлолияти давлатии ҷумҳурӣ баҳо дода шуд.