Президенти Ҷумҳурии Тоҷикистон

Сафари корӣ ба ноҳияи Мурғоб

25.06.2010 16:00, ноҳияи Мурғоб

Субҳи имрўз Президенти Ҷумҳурии Тоҷикистон Эмомалӣ Раҳмон ба ноҳияи дурдасти Мурғоб ташриф оварда, нахуст ба сохтмони як нерўгоҳи хурди обӣ оғози расмӣ бахшид ва бо намояндагони сершумори мардуми ин ноҳия мулоқот намуд.

Дар ноҳияи Мурғоб Сарвари давлат Эмомалӣ Раҳмон санги асос ва нома ба наслҳои ояндаро дар ҷойи сохтмони як нерўгоҳи хурди обӣ гузошт, ки иқтидори лоиҳавияш 2,5 ҳазор киловатт/соат буда, бо маблағгузории муштараки Тоҷикистону Олмон дар муддати кўтоҳ бунёд меёбад. Барои сохтмони ин нерўгоҳ харҷи 30 миллион сомонӣ ба нақша гирифта шудааст.

Зимни мулоқот бо мардуми ноҳия ҳамчунин зикр гардид, ки бо сохта, ба кор дароварда шудани ин нерўгоҳ мушкили барқтаъминкунӣ дар ин ноҳия пурра бартараф мегардад.

Президенти Ҷумҳурии Тоҷикистон Эмомалӣ Раҳмон ба масъулини дахлдори сатҳи ҷумҳуриявию маҳаллӣ барои таъмини доимии мардуми ин ноҳияи дурдасту баландкўҳ ва дорои иқлими вазнин бо ангишту дигар навъҳои сўзишворӣ, озуқаворӣ ва ғайра супришҳои мушаххас дод.

Мардуми ноҳияи Мурғоб ба Президенти Ҷумҳурии Тоҷикистон Эмомалӣ Раҳмон барои ҷаҳду талошҳои беназираш баҳри таҳкими фазои сулҳу оромӣ дар кишвар ва рушди нумуи бемайлони иҷтимоию иқтисодӣ, аз ҷумла дар ин минтақаи дурдасти баландкўҳ арзи сипос карданд.

Дар ноҳияи Мурғоб Сарвари давлат Эмомалӣ Раҳмон дар як барномаи варзишӣ-фарҳангӣ низ иштирок намуд. Зимни он ҷавонону духтарони маҳаллӣ ҳунарҳои аспдавонӣ ва мусобқаҳои гуногуни бо асп иҷрошавандаро намоиш доданд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520