ЗИЁЗОДА Сулаймон Ризоӣ
Муовини Сарвазири Ҷумҳурии Тоҷикистон
Зиёзода Сулаймон 1 январи соли 1962 таваллуд шудааст. Миллаташ тоҷик, таҳсилоташ олӣ. Соли 1983 Донишкадаи аграрии Тоҷикистонро бо ихтисоси агроном-олим хатм намудааст.
Фаъолияти кориашро соли 1983 ҳамчун Агрономи калони хоҷагии давлатии «Ленинобод»-и ноҳияи Зафаробод оғоз намуда, минбаъд то соли 2016 дар вазифаҳои сардори шӯъбаи дуюм, котиби дуюм ва якуми кумитаи комсомол, муовини директор, директор, раиси кооперативи истеҳсолии «Ширин», Раиси ассотсиатсияи хоҷагиҳои деҳқонии «Шӯҳрат», Раиси ассотсиатсияи истифодабарандагони оби ба номи М.Абдуллоев, сардори раёсати кишоварзӣ, раиси ҷамоати шаҳраки Меҳнатободи ноҳияи Зафаробод, Сардори шӯъба-муовин оид ба иқтисодиёт ва молияи Сарраёсати кишоварзии вилояти Суғд, муовини якуми раиси ноҳияи Зафаробод ва муовини раиси вилояти Суғд кор кардааст.
Солҳои 2016-2019 дар мансаби раиси ноҳияи Зафарободи вилояти Суғд, муовини якуми раиси вилояти Хатлон ва муовини раиси вилояти Суғд фаъолият намудааст.
Аз соли 2019 то соли 2020 дар вазифаи Раиси ноҳияи Деваштичи вилояти Суғд кор кардааст.
Солҳои 2020-2022 дар мансаби вазири кишоварзии Ҷумҳурии Тоҷикистон фаъолият намудааст.
Бо фармони Президенти Ҷумҳурии Тоҷикистон аз 26 январи соли 2022 муовини Сарвазири Ҷумҳурии Тоҷикистон таъин гардидааст.
Соли 1999 бо «Ифтихорнома»-и Президенти Ҷумҳурии Тоҷикистон сарфароз гардонида шудааст.