Президенти Ҷумҳурии Тоҷикистон

Мулоқот бо Президенти Ҷумҳурии Узбекистон Ислом Каримов

27.08.2008 17:30, шаҳри Душанбе

Чунонки иттилоъ доред, нимаи дуюми рӯз ҳамаи сарони давлатҳои аъзои Созмони ҳамкории Шанхай баҳри иштирок дар ҳамоиши навбатии ин созмони бонуфузи байналмилалӣ ба шаҳри Душанбе ташриф оварданд.

Дар қароргоҳи Ҳукумати мамлакат Сарвари давлати Тоҷикистон Эмомалӣ Раҳмон бо Президенти Ҷумҳурии Узбекистон Ислом Каримов мулоқот намуд.

Дар вохӯрӣ масоили ҷорӣ ва дурнамои муносибатҳои Тоҷикистону Узбекистон дар чаҳорчӯби Созмони ҳамкории Шанхай, дигар созмонҳои байналмилалию минтақавӣ ва робитаҳои дуҷониба баррасӣ шуд.

Сарони ду давлати ҳамсоя нақши Созмони ҳамкории Шанхайро дар таҳкими амнияту суботи минтақавию ҷаҳонӣ ва густариши ҳамкориҳои байни кишварҳои аъзо ва нозири он муҳим арзёбӣ намуданд.

Эмомалӣ Раҳмон ва Ислом Каримов омодагӣ ва ҳавасмандии худро баҳри таҳкиму густариши ҳамкориҳои ҳасанаи байни Тоҷикистону Узбекистон таъкид намуданд.

Сарвари давлати Тоҷикистон Эмомалӣ Раҳмон Президенти Ҷумҳурии Узбекистон Ислом Каримовро даъват намуд, ки ба Тоҷикистон бо сафари давлатӣ ташриф биёрад.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520