Имрӯз дар шаҳри Теҳрон Мулоқоти 16-уми сарони давлатҳои аъзои Ҳаракати адами тааҳҳуд ба кори худ оғоз намуд, ки дар он дар баробари роҳбарони як зумра давлатҳои ҷаҳон Президенти Ҷумҳурии Тоҷикистон Эмомалӣ Раҳмон низ иштирок дорад.
Дар ин ҳамоиш 24 президент, 3 шоҳ, наздики 80 роҳбари ҳукумат ва ё вазорат аз кишварҳои манотиқи гуногуни ҷаҳон ва намояндагони воломақом аз созмонҳои зиёди минтақавию байналмилалӣ, аз ҷумла Дабири кулли Созмони Милали Муттаҳид Пан Ги Мун ширкат меварзанд.