Шоми рӯзи 19 феврал бо ибтикори ҷониби Қазоқистон байни Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Қазоқистон Нурсултон Назарбоев сӯҳбати телефонӣ баргузор гардид.

Сарони давлатҳо роҷеъ ба вазъи сардиҳои имсолаи дар Тоҷикистон ба вуқӯъомада табодули назар карданд.

Президенти Ҷумҳурии Қазоқистон ба Сарвари давлати Тоҷикистон иттилоъ дод, ки тибқи қарори махсуси Ҳукумати Қазоқистон ба Ҷумҳурии Тоҷикистон кӯмаки таъҷилии башардӯстона, аз қабили 1000 тона мазут ва сӯзишвории дизелӣ, маводи хӯрока ва маводи ниёзи аввал, дар ҳаҷми 3 миллион доллари ИМА фиристонида шавад.

Бо дархости Президенти Ҷумҳурии Тоҷикистон Эмомалӣ Раҳмон Нурсултон Назарбоев ба Ҳукумати кишвараш супориш дод, ки баҳри харидории мазуд ва сӯзишвории дизелӣ, маводи тухмӣ ва нуриҳои минералӣ барои Тоҷикистон имтиёзи махсус ҷудо намояд.