Президенти Ҷумҳурии Тоҷикистон

Рӯзҳои фарҳанги Ҷумҳурии Тоҷикистон дар Федератсияи Россия

06.10.2005 17:00, Россия

6 октябри соли 2005 дар таърихи муносиботи дӯстона ва фарҳангии миёни Ҷумҳурии Тоҷикистон ва Федератсияи Россия бо ифтитоҳи нахустин рӯзҳои фарҳанги Ҷумҳурии Тоҷикистон дар Федератсияи Россия саҳифаи хотирмону муассир боз гардид.

Ин тадбири таърихӣ дар толори театри бузурги Маскав ҷараён гирифт. Президенти Ҷумҳурии Тоҷикистон Эмомалӣ Раҳмонов дар ифтитоҳи расмии он бо қаноатмандии афзун тазаккур дод, ки баргузории рӯзҳои фарҳанги Ҷумҳурии Тоҷикистон дар кишвари бародар ва шарики стратегӣ рӯйдоди фараҳбахши таърихи навини муносиботи дуҷониба мебошад ва иштироки Президенти Федератсияи Россия Владимир Путин шукӯҳи онро бештар менамояд.

Баъд аз оғози сохтмони иншооти муштараки Сангтуда ва Роғун таъсиси ин чорабинии пурарзиш фоли нек ва собитгари таҳкими ҳамкориҳои иқтисодию фарҳангии Тоҷикистону Россия мебошад, - гуфт Президенти Ҷумҳурии Тоҷикистон Эмомалӣ Раҳмонов ва афзуд, ки талошҳои ҳарду ҷониб аз эҳтирому эътимоди қавӣ эҳсоси баланди садоқату ҳамдилии халқҳои тоҷику рус ибтидо гирифтаанд.

Ба андешаи Президенти Ҷумҳурии Тоҷикистон Эмомалӣ Раҳмонов бо назардошти рушд ва мустаҳкамгардонии равобити фарҳангӣ дар тарғиби намунаҳои олитарини маънавӣ, корнамоиҳои шоҳ Исмоили Сомонию Петри Кабир, дастовардҳои оламшумули илмии Абуалӣ Синову Михаил Ломоносов, ашъори ҷовидонаи Рӯдакию Пушкин, офаридаҳои Айнию Шолохов инчунин Бобоҷон Ғафурову Евгений Павловский омилҳои нодиртарини ифтихору шарафмандӣ ва ибратомӯзи наслҳои имрӯзу оянда аст.

Президенти Федератсияи Россия Владимир Путин ба нақши таърихии Президенти Ҷумҳурии Тоҷикистон Эмомалӣ Раҳмонов дар мавриди инкишофи равобити дӯстонаи Ҷумҳурии Тоҷикистон ва Федератсияи Россия баҳои баланд дода, изҳор намуд, ки Ҳукумати Федератсияи Россия ҷиҳати амалӣ гардидани кулли лоиҳаҳои ҳамкорӣ бо Ҷумҳурии Тоҷикистон ҳамаҷониба талош хоҳад кард.

Сарони ҳар ду давлат ба аҳли ҳунар барору пешрафт таманно карданд. Барномаи ҳунармандони тоҷикро аҳли толор бо самимияти афзун истиқбол намуданд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520