Бо иштироки Президенти Ҷумҳурии Тоҷикистон Эмомалӣ Раҳмон бинои Раёсати молияи ноҳияи Нуробод мавриди истифода қарор гирифт.

Кормандони Раёсати молияи ноҳияи Нуробод минбаъд дар бинои хуштарҳу замонавӣ, ки аз ҳисоби буҷаи ҷумҳуривӣ бунёд ёфтааст, фаъолият хоҳанд кард.

Корхои сохтмонии бинои Раёсати молия дар қабати рости бинои асосии мақомоти иҷроияи маҳаллии ҳокимияти давлатии ноҳияи Нуробод аз соли 2009-ум оғоз гардида, дорои 11 утоқи замонавии кории муҷаҳаз бо техникаву дигар лавозимоти зарурӣ мебошад.

Дар саҳни бинои Раёсати молия, аз ҷониби Президенти кишвар Эмомалӣ Раҳмон ба 50 нафар кӯдакони яктим ва аз оилаҳои ниёзманд кӯмак расонида шуд. Сарвари давлат Эмомалӣ бо кӯдакону наврасон суҳбати самимӣ намуда, онҳоро ба хониши хубу аъло ва аз худ кардани донишҳои замонавӣ ҳидоят кард.