ҲУКУМАТИ ҶУМҲУРИИ ТОҶИКИСТОН
ҚАРОР
аз 13 декабри соли 2013 №620
ш. Душанбе
Дар бораи муовини Вазири молияи
Ҷумҳурии Тоҷикистон таъин намудани
Наими Аламхони Қодириён
Ҳукумати Ҷумҳурии Тоҷикистон қарор мекунад:
Наими Аламхони Қодириён муовини Вазири молияи Ҷумҳурии Тоҷикистон таъин карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
НАИМИ АЛАМХОНИ ҚОДИРИЁН
муовини Вазири молияи Ҷумҳурии Тоҷикистон
НАИМИ Аламхони Қодириён 10 ноябри соли 1967 дар ноҳияи Шӯрообод таваллуд шудааст. Маълумоташ олӣ, соли 1994 Донишгоҳи давлатии Тоҷикистонро бо ихтисоси иқтисодчӣ хатм кардааст.
Фаъолияти меҳнатиашро соли 1985 ба сифати коргари хоҷагии «Фрунзе»-и ноҳияи Мӯъминобод оғоз намуда, то соли 1987 дар сафи Қувваҳои Мусаллаҳи Иттиҳоди Шуравӣ хизмат кардааст.
Солҳои 1988-1996 дар вазифаҳои фурӯшанда – муҳосиб, бригадири калон дар корхонаҳои истеҳсолӣ ва савдои шаҳри Душанбе кор кардааст.
Аз соли 1996 то ҳол дар вазифаҳои гуногуни масъул дар дастгоҳи марказии Вазорати молия фаъолият мебарад, аз ҷумла дар солҳои 2004-2006 ҳамчун иҷрокунандаи вазифаи муовини сардор, муовини сардори Департаменти буҷети давлатии Вазорати молияи ҷумҳурӣ кор кардааст.
Солҳои 2006-2007 ба ҳайси муовини сардори Департамент - Сардори раёсати сиёсати инвеститсияҳои давлатии Департаменти буҷети давлатии Вазорати молия адои вазифа намудааст.
Аз соли 2007 дар мансаби муовини сардори Сарраёсат - сардори раёсати сиёсати инвеститсияҳои давлатии Сарраёсати буҷети давлатии Вазорати молияи Ҷумҳурии Тоҷикистон фаъолият дорад.
Бо қарори Ҳукумати Ҷумҳурии Тоҷикистон аз 13 декабри соли 2013 муовини Вазири молияи Ҷумҳурии Тоҷикистон таъин гардид.