Президенти Ҷумҳурии Тоҷикистон

Ҳисоботи телефонии раисони ноҳияҳои Рашт, Тавилдара, Тоҷикобод, Ҷиргатол, Бохтар, Абдураҳмони Ҷомӣ ва шаҳри Қурғонтеппа

17.12.2007 12:00, шаҳри Душанбе

Ба Президенти Ҷумҳурии Тоҷикистон Эмомалӣ Раҳмон раисони ноҳияҳои Рашт, Тавилдара, Тоҷикобод, Ҷиргатол, Бохтар, Абдураҳмони Ҷомӣ ва шаҳри Қурғонтеппа тавассути телефон ҳисобот доданд.

Ҳисоботи онҳо оид ба дастгирии ятимону бепарасторон, маъюбон, иштирокчиёни Ҷанги Бузурги Ватанӣ ва оилаҳои камбизоат дар арафаи иди Қурбон, доир ба ҷамъбасти натиҷаҳои сол, татбиқи Қонуни Ҷумҳурии Тоҷикистон "Дар бораи танзими анъана ва ҷашну маросимҳо дар Ҷумҳурии Тоҷикистон" ва дигар масоил шунида шуд.

Дар ҳисоботи раисони ноҳияҳои Рашт, Тавилдара, Тоҷикобод ва Ҷиргатол таваҷҷӯҳи махсус ба масоили азхудкунии заминҳои нав, рушди бахшҳои картошкапарварӣ ва боғутокпарварӣ ва ба масъалаи таъмини муассисаҳои маорифу тандурустӣ бо маводи сӯхт зоҳир гардид.

Президенти Ҷумҳурии Тоҷикистон Эмомалӣ Раҳмон дастур дод, ки корҳо баҳри рушди парвариши картошка ва боғу токзор боз ҳам ҷоннок карда шаванд. Баҳри суръатбахшии кишти тирамоҳӣ ва истифодаи босамари заминҳои президентӣ низ дастуру супоришҳои қатъӣ дода шуд.

Сарвари давлат Эмомалӣ Раҳмон ба раиси шаҳри Қурғонтеппа оид ба вусъат додани корҳои ободонию созандагӣ, таъмини мактабҳо бо асбобу анҷоми хониш, пеш аз ҳама бо компютерҳо ва доир ба баланд бардоштани сатҳи хизматрасонӣ ба мардум супоришҳои қатъӣ дод.

Аз раисони ноҳияҳои Бохтару Абдураҳмони Ҷомӣ Президенти мамлакат Эмомалӣ Раҳмон бештар оид ба ҷараёни кишти тирамоҳӣ, тоза кардани заминҳои пахта аз ғӯзапая ва шудгори онҳо, барқарорсозии гармхонаҳо ва рушди сабзавоткории барвақтӣ ҳисобот талаб намуд.

Ҷиҳати вусъат додани корҳои ободонию созандагӣ, ҷамъбасти натиҷаҳои сол ва танзими анъана ва ҷашну маросимҳо ба раисони ҳамаи шаҳру ноҳияҳои номбурда дастуру супоришҳои мушаххас дода шуд.

Президенти Ҷумҳурии Тоҷикистон Эмомалӣ Раҳмон ба ҳамаи онҳо супориш дод, ки дар арафаи иди Қурбон ба ятимону бепарасторон, маъюбон, иштирокчиёни Ҷанги Бузурги Ватанӣ, оилаҳои камбизоат ва дигар табақаҳои эҳтиёҷманди аҳолӣ кӯмак расонанд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520