Президенти Ҷумҳурии Тоҷикистон

Оғози бунёди маҷмааи корхонаҳои масолеҳи сохтмонӣ дар ноҳияи Данғара

24.04.2015 09:11, ноҳияи Данғара

Боздиди Президенти кишвар Эмомалӣ Раҳмон аз ноҳияи Данғараи вилояти Хатлон аз деҳаи Ҳусейншайхи ҷамоати деҳоти Корез оғоз ёфт.

Дар деҳаи Ҳусейншайх бо иштироки Сарвари давлат Эмомалӣ Раҳмон сохтмони корхонаи масолеҳи сохтмонии Дарё-2015 дар фазои тантанавӣ шуруъ гардид.

Чунонки иттилоъ доданд, корхона дорои коргоҳҳои зиёд барои истеҳсоли қуми шуста, шағал, масолеҳи бетонӣ, дару тирезаҳои пластикӣ, болопӯшҳои тунукагии бомҳо, сафолҳои роҳрав, симтур, ҷамъ 12 намуд масолеҳи сохтмонӣ ва ғайра мебошад. Коргоҳи қуми шуста ва шағали корхона, ки бо технологияи навтарини соҳа бунёд меёбад, нахустин чунин корхона дар минтақа буда, тибқи лоиҳа, дар як соат то 240 тонна қуми шустаю шағал тавлид хоҳад кард. Тибқи нақша ин корхонаҳо моҳи июли соли равон бояд ба кор дароянд.

Дар давраи сохтмони ин коргоҳҳо 100 нафар бо кори муваққатӣ ва пас аз ба кор даромаданаш 240 кас бо кори доимӣ таъмин мешаванд. Танҳо дар коргоҳи дӯзандагӣ 55 нафар занону духтарони маҳаллӣ соҳиби кори доимӣ мешаванд.

Дар ҳудуди корхона, ки дар майдони қариб 30 га ба як маҷмааи калони саноатию кишоварзӣ табдил хоҳад ёфт, ҳамчунин коргоҳҳои дӯзандагӣ, равғанкашӣ, боғҳои дарахтони мевадиҳанда ва ороишӣ ва ҳам ҳавзи моҳипарварӣ бунёд хоҳад ёфт.

Сарвари давлат Эмомалӣ Раҳмон ба ташаббуси соҳибкорон баҳои баланд дод, зеро то ин вақт дар ноҳияи Данғара чунин корхона вуҷуд надошт ва ин гуна масолеҳи сохтмон аз роҳҳои дур кашонда мешуд. Изҳори бовар карда шуд, ки ба кор даромадани ин корхона ва наздик шудани масофаи манбаи масолеҳ арзиши аслии корҳои сохтмонӣ дар ин минтақа камтар мешавад.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520