4 апрел Президенти Ҷумҳурии Тоҷикистон Эмомалӣ Раҳмон бо Раиси Созмони Аҳдномаи Амнияти Дастаҷамъӣ Николай Бордюжа мулоқот кард.
Ба андешаи Президенти Ҷумҳурии Тоҷикистон Эмомалӣ Раҳмон дар марҳилаи кунунӣ тавсеаи робитаҳои миёни кишварҳои аъзои Созмони Аҳдномаи Амнияти Дастаҷамъӣ амри воқеии амнияту субот маҳсуб мешавад.
Дар ҷараёни сӯҳбат ҷонибҳо ба вазъи кунунии Созмони аҳдномаи амнияти дастаҷамъӣ, омодагиҳо ба машқҳои ҳарбии муштараки аъзои созмон дахл карданд.
Таъкид гардид, ки ҷаласаи навбатии Созмони Аҳдномаи Амнияти Дастаҷамъӣ дар шаҳри Москва моҳи июни соли ҷорӣ баргузор мешавад. Тарафайн оид ба масъалаҳои асосии рӯзнома ва ҳуҷҷатҳои муҳимме, ки дар он баррасӣ мешаванд, ибрози назар карданд.
Зимни вохӯрӣ ҳамчунин масоили мубориза бар зидди гардиши ғайриқонунии маводи мухаддир, терроризм, ҷинояткории муташаккил мавриди муҳокима қарор гирифт.