5 апрел Президенти Ҷумҳурии Тоҷикистон Эмомалӣ Раҳмон бо иштироки аъзои Ҳукумат ва кормандони масъули Дастгоҳи иҷроияи Президенти Ҷумҳурии Тоҷикистон ҷаласаи корӣ доир намуд.

Дар маҷлис масъалаҳои иҷрои дастуру супоришҳои Сарвари давлат ва татбиқи  Қарори Ҳукумати Ҷумҳурии Тоҷикистон  аз 5 феврали соли 2003 "Дар бораи ҷашни 60-солагии Ғалаба дар ҷанги Бузурги Ватании солҳои 1941 - 1945" мавриди баррасӣ қарор гирифт.  Қайд карда шуд, ки то имрӯз корҳои омодагӣ ба ҷашн хусусан чопи китоби хотира,  медали ҷашнӣ бахшида ба 60-солагии Ғалаба ва як қатор корҳои дигар ба анҷом расонида шудааст. 

Дар хатми кори ҷаласа Президенти Ҷумҳурии Тоҷикистон Эмомалӣ Раҳмон  ба роҳбарони вазорату идораҳои ҷумҳуриявӣ ва масъулини Дастгоҳи иҷроияи Президенти Ҷумҳурии Тоҷикистон ҷиҳати дар сатҳи баланд ҷашн гирифтани 60-солагии Ғалаба дар Ҷанги Бузурги Ватании солҳои 1941 - 1945  дастуру супоришҳои мушаххас дод.