6 сентябр Президенти Ҷумҳурии Тоҷикистон Эмомалӣ Раҳмон ҳайати намояндагии Хазинаи байналмилалии асъор дар Точикистонро таҳти сарварии роҳбари нави он Карлос Пинеруа ба ҳузур пазируфт.
Зимни мулоқот масъалаҳои марбут ба вазъияти имрӯза ва нақшаҳои ояндаи равнақу ривоҷи ҳамкории Тоҷикистон бо Хазинаи байналхалқии асъор муҳокима шуданд.
Эмомалӣ Раҳмон зикр кард, ки мулоқоти имрӯзаро ҳамчун идомаи тадбирҳои таҳкими ҳамкории Ҳукумати Тоҷикистон бо Хазинаи байналхалқии асъор дар бобати дастгирии ислоҳоти иқтисодӣ дар мамлакат баррасӣ менамояд.
Зикр гардид, ки ҳаҷми истеҳсоли маҳсулоти умумии дохилӣ дар давоми 7 моҳи соли 2005 нисбат ба ҳамин давраи соли 2004-ум 8,6 фоиз афзудааст. Дар ин давра ҳаҷми истеҳсоли маҳсулоти саноат 8,9 фоиз ва ҳаҷми истеҳсоли маҳсулоти кишоварзӣ 7,5 фоиз зиёд шуд.
Ҳарду ҷониб изҳори боварӣ намуданд, ки ҳамкориро дар бобати дасгирии ислоҳоти иқтисодӣ дар Тоҷикистон идома медиҳанд.