Президенти Ҷумҳурии Тоҷикистон
Мулоқот бо Пешвои исмоилиёни ҷаҳон Карим Оғохони 4
11.10.2009 19:30, шаҳри Душанбе
Президенти Ҷумҳурии Тоҷикистон Эмомалӣ Раҳмон Пешвои исмоилиёни ҷаҳон Карим Оғохони 4 - ро ба ҳузур пазируфт.
Дар мулоқот масоили ҳамкории Тоҷикистон бо Созмони Оғохон оид ба рушд баррасӣ шуд.
Карим Оғохони 4 ба Сарвари давлат Эмомалӣ Раҳмон оид ба боздиди худ аз шаҳри Хорӯғ - маркази Вилояти Мухтори Кӯҳистони Бадахшон иттилоъ дода, дар маҷмӯъ аз натиҷаҳо ва рафти татбиқи барномаю лоиҳаҳои ҳамкории Созмони Оғохон оид ба рушд бо Тоҷикистон изҳори қаноатмандӣ намуд.
Президенти мамлакат Эмомалӣ Раҳмон ва Карим Оғохони 4 ҳавасмандии худро ба таҳкиму густариши минбаъдаи ҳамкорӣ таъкид намуданд.
