Дар доираи сафари расмии Президенти Ҷумҳурии Тоҷикистон Эмомалӣ Раҳмон ба Туркманистон миёни КВД «Ширкати алюминийи тоҷик» Талко ва Корхонаи коркарди нафти Туркменбошӣ созишномаи ҳамкорӣ ба имзо расид, ки мутобиқи он ҳамасола дар ҳаҷми 35 ҳазор тонна кокси нафтӣ бо нархҳои имтиёзӣ ба Талко ҷудо карда мешавад.

Ҳамчунин мутобиқи супориши сарони давлатҳои ба сохторҳои масъули ду кишвар тарифҳои транзитии роҳи оҳани Туркманистон барои боркашонии Талко бояд сабук карда шавад.

Тавре зикр гардид, ба туфайли ҳамкории Талко бо корхонаҳои саноатии Туркманистон ҳаҷми содироти маҳсулоти Тоҷикистон ба ин кишвар дар нимсолаи якуми соли равон нисбат ба ҳамин давраи соли гузашта 240% афзун гардидааст.