Президенти кишвар Эмомалӣ Раҳмон як зумра иштирокдорони воломақоми Вохӯрии 38-уми Шӯрои мудирони Бонки исломии рушдро ба ҳузур пазируфт.
Дар мулоқот бо Президенти Гурӯҳи Бонки исломии рушд Аҳмад Муҳаммад Алӣ масоили ҳамкорӣ бо ин бонки соҳибнуфузи олам баррасӣ шуд.
Аҳмад Муҳаммад Алӣ ба Эмомалӣ Раҳмон барои пазироии самимии Тоҷикистон ва ташкили хуби ин ҳамоиш арзи сипос карда, изҳори боварӣ намуд, ки натиҷаҳои он ба рушди минбаъдаи ҳамкории судбахш, аз ҷумла барои инкишофи Тоҷикистони меҳмоннавоз низ манфиати афзун меоварад.