27 март Президенти Ҷумҳурии Тоҷикистон Эмомалӣ Раҳмон бо Президенти Федератсияи Россия Владимир Путин сӯҳбати телефонӣ анҷом дод.

Дар ҷараёни сӯҳбат Эмомалӣ Раҳмон ва Владимир Путин дар баробари баррасии мавзӯоти марбут ба ҳамкориҳои дуҷониба, таваҷчӯҳи асосиро ба масъалаҳои таҳкиму суботи амнияти минтақавӣ ва ҳифзи марзҳои ҷанубии ИДМ дар қисмати сарҳади давлатии Тоҷикистону Афғонистон равона сохтанд.

24 март Президенти Ҷумҳурии Тоҷикистон Эмомалӣ Раҳмон бо зиёиёни мамлакат мулоқот кард.

Зимни суханрониаш Сарвари давлат Эмомалӣ Раҳмон қайд намуд, ки рушду пешрафти ҷомеа имрӯзҳо дар маркази диққати мардуми кишвар аст.

23 март Президенти Ҷумҳурии Тоҷикистон Эмомалӣ Раҳмон бо сафари корӣ ба вилояти Суғд рафт.

23 март Президенти Ҷумҳурии Тоҷикистон Эмомалӣ Раҳмон барои иштирок дар тадбирҳои тантанавии бахшида ба садсолагии рӯзи таваллуди ходими машҳури соҳаи кишоварзии ҷумҳурӣ, раиси номдори колхоз, ду карат Қаҳрамони меҳнат Саидхоҷа Урунхоҷаев ба ноҳияи Бобоҷон Ғафурови вилояти Суғд омад.

22 март Президенти Ҷумҳурии Тоҷикистон Эмомалӣ Раҳмон дар тантанаҳои наврӯзии ҷумҳуриявӣ, ки дар ипподроми шаҳри Душанбе баргузор гардид, иштирок ва суханронӣ кард. Дар тантанаҳои наврӯзӣ меҳмонон аз тамоми гӯшаву канори кишварҳои олам, сокинони шаҳру ноҳияҳои ҷумҳурӣ иштирок намуданд.

Сарвари давлат Эмомалӣ Раҳмон иштирокчиёни тантанаҳои наврӯзиро муборакбод намуда, ба ҳамаи онҳо дар ин иди баҳор файзу баракатро таманно кард.

19 март Президенти Ҷумҳурии Тоҷикистон Эмомалӣ Раҳмон эътимодномаи Сафири Фавқулодда ва Мухтори Ҷумҳурии Халқии Чин дар Ҷумҳурии Тоҷикистон У Хунбинро қабул намуд.

Президенти Тоҷикистон зикр намуд, ки дар мамлакати мо таҷрибаи Чин оид ба ташкили минтақаҳои озоди иқтисодӣ, ҷалб намудани сармояи хориҷӣ ва маданияти заминдорӣ омӯхта мешавад.

14 март Президенти Ҷумҳурии Тоҷикистон Эмомалӣ Раҳмон ҳайати намояндагони Бонки Умумиҷаҳонӣ, сардори сохторҳои таркибии бонки мазкур оид ба давлатҳои Осиёи Марказӣ Киёши Кодерро қабул намуд.

Дар ҷараёни мулоқот масъалаҳои вобаста ба таъмину тавсеаи ҳамкориҳои Ҳукумати Ҷумҳурии Тоҷикистон бо Бонки Умумиҷаҳонӣ дар роҳи татбиқи барномаҳои сармоягузорӣ муҳокима шуданд.

9 март Президенти Ҷумҳурии Тоҷикистон Эмомалӣ Раҳмон вазири мудофиаи Ҷумҳурии Исломии Эрон Алӣ Шамхониро, ки бори аввал бо сафари расмӣ ба мамлакати мо ташриф овардааст, қабул намуд.

Президенти Тоҷикистон ба натиҷаҳои сиёсии вохӯрии ҳайати Тоҷикистону Эрон дар сатҳи олӣ, ки моҳи ноябри соли 2000 дар Теҳрон баргузор гардида буд, баҳои баланд дод.

10 март Президенти Ҷумҳурии Тоҷикистон Эмомалӣ Раҳмон бахшида ба иди касбии кормандони матбуот номаи табрикотӣ ирсол намуд.

9 март бо иштироки Президенти Ҷумҳурии Тоҷикистон Эмомалӣ Раҳмон дар Комплекси давлатии "Кохи Ваҳдат" дар ҷамъомад бахшида ба Солгарди панҷуми Аҳдномаи ризоияти ҷомеа дар Тоҷикистон ширкат намуд.

Зимни суханронии хеш Президенти мамлакат аз проблема ва пешомадҳои Аҳдномаи мазкур ва мавкеъи Шӯрои ҷамъиятии кишвар андешаронӣ намуд.

7 март Президенти Ҷумҳурии Тоҷикистон Эмомалӣ Раҳмон дар Театри давлатӣ-академии опера ва балети ба номи С.Айнӣ дар маҷлиси ботантана бахшида ба иди бонувон ширкат варзид.

Модарону хоҳарони азиз!

Ҳамаи шуморо ба муносибати Рӯзи байналхалқии занон аз самими қалб табрик ва муборакбод гуфта, орзу менамоям, ки ҳамеша рӯзгоратон ободу дилатон шод бошад.

Иди байналхалқии занон аз фаро расидани фасли баҳор —арӯси сол ва эҳёи табиат мужда мерасонад. Дар ин падида як рамзи амиқе ҳаст, ки он ба сиришти неку созанда ва ниҳоди поки модарон алоқаманд аст. Аз ин рӯ, мо ҳамеша ин рӯзи фарҳабахшро бо дилу эҳсоси гарм истиқбол мегирем.