Имрӯз Президенти Ҷумҳурии Тоҷикистон Эмомалӣ Раҳмон ҷиҳати анҷом додани сафари корӣ ба Украина сафар кард.

Дар фурӯдгоҳи байналмилалии пойтахт Президенти Ҷумҳурии Тоҷикистон Эмомалӣ Раҳмонро раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев, раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров, Сарвазири Ҷумҳурии Тоҷикистон Оқил Оқилов, Роҳбари Дастгоҳи иҷроияи Президенти Ҷумҳурии Тоҷикистон Бахтиёр Худоёров ва дигар шахсони расмӣ гусел намуданд.

Имрӯз Президенти кишвар Эмомалӣ Раҳмон як зумра кадрҳои ба вазифаҳои нав пешниҳодшудаи соҳаҳои прокуратура ва мақомоти корҳои дохилиро барои суҳбат ба ҳузур пазируфт.

Ҳамин тариқ муовини прокурори шаҳри Душанбе, прокурори шаҳру ноҳияҳои Фирдавсӣ, Хуҷанд, Истиқлол, Балҷувон, Данғара, Ҷалолиддини Румӣ, прокурори ҳарбии гарнизони Суғд, сардори шуъбаи корҳои дохилии шаҳру ноҳияҳои Панҷ, Нуробод, Истиқлол ва роҳбарони чанд сохтори дигар иваз карда шуданд.

Имрӯз таҳти раёсати Президенти Ҷумҳурии Тоҷикистон, Раиси Ҳукумати кишвар Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Имрӯз Президенти Ҷумҳурии Тоҷикистон Эмомалӣ Раҳмон Раиси Бонки тавсиаи содироти Ҷумҳурии Исломии Эрон Куруши Парвизиёнро ба ҳузур пазируфт.

Дар мулоқот масоили маблағгузории лоиҳаҳои муштараки ду кишвар, ки дар Тоҷикистон татбиқ мегарданд, баррасӣ шуд.

Мубодилаи судманди афкор оид ба сармоягузории саривақтии бунёди нерӯгоҳи обии Сангтӯда-2, нақби мошингарди Чормағзак ва бисёр лоиҳаҳои дигар, ки дар соҳаҳои кишоварзӣ, нассоҷӣ, сохтмон ва тиҷорат амалӣ мешаванд, сурат гирифт.

Имрӯз дар маҷмааи давлатии Кохи Борбади пойтахт бо иштироки Президенти кишвар Эмомалӣ Раҳмон ҷамъомади тантанавии бахшида ба солгарди 15-уми Рӯзи Ваҳдати Миллии Тоҷикистон баргузор гардид.

Президенти кишвар Эмомалӣ Раҳмон аз рӯзҳои пурдаҳшати солҳои муноқишоти мусаллаҳона ва тавассути музокироти зиёди мураккаби тарафҳои муқобил ва ҷаҳду талошҳои тамоми нерӯҳои солими ҷомеа ба сулҳу салоҳи ҳамагонӣ расидан ёдовар шуда, мардуми Тоҷикистонро бо ин иди фархунда табрику таҳният гуфт.

Имрӯз Президенти кишвар Эмомалӣ Раҳмон дар ҳошияи иштирок дар Конфронси Рио+20 дар шаҳри Рио-де-Жанейрои Бразилия бо Президенти Маҷористон Янош Адер вохӯрӣ доир намуд.

Зимни сӯҳбат масъалаҳои муносибатҳои мутақобилан судманди Тоҷикистону Маҷористон ва дурнамои рушди он баррасӣ гардиданд.

Нахуст Сарвари давлат Эмомалӣ Раҳмон Янош Адерро ба муносибати оғози иҷрои вазифаи Президенти Маҷористон муборакбод гуфт.

Имрӯз баъд аз нисфирӯзи дар шаҳри Рио-де-Жанейрои Бразилия Президенти Ҷумҳурии Тоҷикистон Эмомалӣ Раҳмон чорабинии махсусро оид ба ҳамкорӣ дар соҳаи об аз номи ташкилкунандагони он, ҳайатҳои Тоҷикистон, Маҷористон, Финляндия ва механизми «Созмони Милали Муттаҳид – захираҳои об» ифтитоҳ карда дар он раиси намуд.

Ҳамкорони азиз,
Мӯҳтарам хонумон ва ҷанобон,

Қабл аз ҳама мехоҳам ба ҳамаи Шумо барои ширкат дар ин чорабинӣ изҳори миннатдорӣ намоям. Ба ақидаи мо, он қадами муҳиме дар пайроҳаи Соли байналмилалии ду ҳазору сенздаҳуми ҳамкорӣ дар соҳаи об мебошад.

Об як ҷузъи зарурии рушди устувор ва иқтисодиёти «сабз» аст. Бинобар ин мо итминон дорем, ки дар доираи Конфронси таърихии мазкури Созмони Милали Муттаҳид ба ҳалли масоили об таваҷҷӯҳи махсус дода мешавад.

Имрӯз дар шаҳри Рио-де-Жанейрои Бразилия дар доираи иштирок дар Конфронси Рио+20 Президенти Тоҷикистон Эмомалӣ Раҳмон Мудири кулли Ташкилоти Созмони Милали Муттаҳид оид ба маориф, илм ва фарҳанг (ЮНЕСКО) Ирина Боковаро ба ҳузур пазируфт.

Дар ҷараёни сӯҳбат масъалаҳои ҳамкории пурмӯҳтавои Тоҷикистон бо ЮНЕСКО муҳокима гардиданд.

Роҳбари Тоҷикистон ба фаъолияти сохторҳои фаръию ниҳодҳо ва муассисаҳои мухталифи Созмони Милали Муттаҳид, аз ҷумла Ташкилоти он оид ба маориф, илм ва фарҳанг дар кишвари худ баҳои баланд дод.