Президенти Ҷумҳурии Тоҷикистон Эмомалӣ Раҳмон унвонии Франсуа Жерар Жорж Олланд ба муносибати пирӯзиаш дар интихоботи Президенти Ҷумҳурии Франсия табрикнома ирсол намуд, ки дар он чунин омадааст:

Ҷаноби Олӣ,

Дар иртибот ба пирӯзиатон дар маъракаи интихоботи Президенти Ҷумҳурии Франсия сарфарозам ба Шумо табрикоти самимона ва таманниёти неки хешро бифиристам.

Ҷониби Тоҷикистон маҷмӯи ҳамкориҳои босамари дуҷонибаро бо кишвари дӯсти Франсия самти муҳими сиёсати хориҷии худ медонад.

Имрӯз Президенти кишвар Эмомалӣ Раҳмон гурӯҳи вакилони Парлумони Аврупо доир ба кор бо кишварҳои Осиёи Марказиро бо сарварии Раиси гурӯҳ Паоло Бартолоззи ба ҳузур пазируфт.

Дар мулоқот масоили вобаста ба ҳамкории Тоҷикистон бо Парлумон ва дигар сохторҳои Иттиҳоди Аврупо баррасӣ шуд.

Кори босамари Кумитаи ҳамкории байнипарлумонии Тоҷикистону Иттиҳоди Аврупо, ки соли гузашта таъсис ёфта буд ва баргузоршавии ҷаласаи дуюми он дар шаҳри Душанбе нишонаи тавсиаи робитаҳои судбахши ду ҷониб арзёбӣ гардид.

Имрӯз Президенти кишвар Эмомалӣ Раҳмон Муовини Сарвазир - Вазири корҳои хориҷии Шоҳигарии Белгия Дидйе Рейндерс ва Вазири мудофиаи ин кишвар Питер де Кримро ба ҳузур пазируфт.

Дар мулоқот масоили вобаста ба муносиботи дӯстона ва ҳамкории судбахши ду кишвар баррасӣ шуд.

Таваҷҷуҳи асосӣ ба се ҷанбаи ҳамкорӣ – ҳамгироӣ барои барқарорсозии суботу эътидол дар Афғонистон, рушди ҳамкорӣ дар Осиёи Марказӣ ва густариши робитаҳои дуҷонибаи Тоҷикистону Белгия баррасӣ шуд.

Имрӯз Президенти кишвар Эмомалӣ Раҳмон доир ба пардохти кумакпулии яквақта ба иштирокчиёну маъюбони Ҷанги Бузурги Ватании солҳои 1941-1945 амр имзо намуд.

Тибқи амри Президенти Ҷумҳурии Тоҷикистон Вазорати молияи кишвар вазифадор аст, ки ба иштирокчиёну маъюбони Ҷанги Бузурги Ватании солҳои 1941-1945 кумаки яквақтаи пулӣ ҷудо намояд.

Раисони вилоятҳо ва шаҳру ноҳия низ аз ҷониби Сарвари давлат Эмомалӣ Раҳмон вазифадор шудаанд, ки ба иштирокчиёну маъюбони Ҷанги Бузурги Ватании солҳои 1941-1945 кумакҳои моддию маънавӣ расонанд.

Имрӯз таҳти раёсати Президенти кишвар, Раиси Ҳукумати Ҷумҳурии Тоҷикистон Эмомалӣ Раҳмон маҷлиси навбатии Ҳукумат баргузор гардид.

Дар маҷлиси навбатии Ҳукумат нахуст баъди баррасии муфассал Нақшаи чорабиниҳо оид ба омодасозии саривақтии соҳаҳои иқтисодиёт ва иҷтимоиёти ҷумҳурӣ ба фаъолияти мунтазам ва босамар дар давраи тирамоҳ ва зимистони солҳои 2012-2013 тасдиқ карда шуд.

Президенти Ҷумҳурии Тоҷикистон Эмомалӣ Раҳмон унвонии Президенти Ҷумҳурии Корея Ли Мён Бак барқияи табрикотӣ ирсол намуд, ки дар он, аз ҷумла, чунин омадааст:

«Ҷаноби Олӣ,

Дар робита ба фарорасии бистумин солгарди истиқрори муносибатҳои дипломатӣ байни Ҷумҳурии Тоҷикистон ва Ҷумҳурии Корея сарфарозам ба Шумо табрику таманниёти самимии хешро бифиристам.

Аз ибтидои истиқлоли Тоҷикистон кишварҳои мо муносибатҳои дипломатиашонро ба роҳ монда, ба ташаккули шакли сифатан нави равобити байнидавлатӣ ҳусни оғоз бахшиданд.

Президенти Ҷумҳурии Корея Ли Мён – Бак унвонии Президенти Ҷумҳурии Тоҷикистон Эмомалӣ Раҳмон барқияи табрикотӣ ирсол намуд, ки дар он, аз ҷумла, чунин гуфта мешавад:

«Мӯҳтарам Ҷаноби Президент,

Ба муносибати 20 – солагии барқароршавии муносибатҳои дипломатии байни Ҷумҳурии Корея ва Ҷумҳурии Тоҷикистон мехостам аз номи Ҳукумат ва халқи Ҷумҳурии Корея суханони самимонаи дӯстиро ба Шумо ва халқи Тоҷикистон иброз дорам.

Имрӯз Президенти кишвар Эмомалӣ Раҳмон, ҳамчунин аз Сафири нави Британияи Кабир дар Тоҷикистон Робин Ҷереми Орд - Смит эътимоднома қабул намуд.

Дар мулоқот, ки пас аз маросими эътимодномасупорӣ ҷараён гирифт, масоили ҳамкории Тоҷикистону Британияи Кабир баррасӣ шуд.

Имрӯз Президенти кишвар Эмомалӣ Раҳмон аз Сафири нави Ҷумҳурии Озарбойҷон дар Тоҷикистон Аббосалӣ Карим огли Гасанов эътимоднома қабул намуд.
Зимни суҳбат, ки баъди маросими эътимодномасупорӣ сурат гирифт, ҳолати кунунӣ ва дурнамои муносиботи дӯстӣ ва ҳамкории судбахши Тоҷикистону Озарбойҷон баррасӣ шуд.

“Мо Ҷумҳурии Озарбойҷонро яке аз шарикони муҳими хеш дар фазои Иттиҳоди Давлатҳои Мустақил медонем», - изҳор дошт Сарвари давлат Эмомалӣ Раҳмон.

Имрӯз Президенти кишвар Эмомалӣ Раҳмон Вазири корҳои хориҷии Федератсияи Русия Сергей Лавровро ба ҳузур пазируфт.

Дар мулоқот паҳлӯҳои гуногуни муносибот ва ҳамкории бисёрҷанбаи Тоҷикистону Русия баррасӣ шуд.

Бо ишора ба хислати стратегӣ ва дарозмуддати шарикии Тоҷикистону Русия Сарвари давлат Эмомалӣ Раҳмон изҳор дошт: «Тоҷикистон маҷмӯи пурраи шарикӣ бо Русияи аз ҳама ҷиҳат ба мо наздикро самти муҳимтарини сиёсати хориҷии худ мешуморад. Мо ба таҳким ва густариши бештари чунин шарикӣ ҳамаҷониба манфиатдорем».