20 июл Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо фаъолияти соҳаҳои гуногуни хоҷагии халқ ва ҷараёни тайёрӣ ба ҷашни истиқлолияти давлатӣ ба вилояти Хатлон рафт.

Сафари кории Эмомалӣ Раҳмон аз ноҳияи Бохтар оғоз гардид. Эмомалӣ Раҳмон, қабл аз ҳама, бо ҷараёни кор дар хоҷагии ба номи Файзалӣ Саидов шинос шуд. Сарвари давлат дар агроучасткаи ба номи Муродалӣ Маҳмадшоев ба ҷараёни гул кардани пахта ва ҳосилнокии он мароқ зоҳир намуд.

17 июл Президенти Ҷумҳурии Тоҷикистон Эмомалӣ Раҳмон дар бинои Ҳукумати ВМКБ бо иштироки фаъолон ва роҳбарони вилоят, шаҳру ноҳияҳо ва ташкилоту муассисаҳо машварати корӣ гузаронд.

17 июл Президенти Ҷумҳурии Тоҷикистон Эмомалӣ Раҳмон ба Вилояти Мухтори Кӯҳистони Бадахшон сафари корӣ анҷом дод.

14 июл Президенти Ҷумҳурии Тоҷикистон Эмомалӣ Раҳмон дар хотимаи сафар дар маҷлисгоҳи Ҳукумати вилояти Суғд бо иштироки роҳбарони ҳукумати вилоят, шаҳру ноҳияҳои он, мақомоти низомӣ ва муҳофизони қонуну тартибот машварат доир намуд. Дар машварат рафти иҷрои фармонҳои Президент, қарорҳои ҳукумат, ҷаласаҳои машваратӣ, дархостҳои дар мулоқот бо зиёиёни кишвар зикргардида мавриди баррасӣ қарор дода шуданд.

14 июл Президенти Ҷумҳурии Тоҷикистон Эмомалӣ Раҳмон ба ноҳияи Бобоҷон Ғафуров сафар карда, бо фаъолияти Ҷамъияти саҳҳомии "Шарбати Қистакӯз" шинос гардид. Сардори давлат ба фаъолияти коргарони корхона баҳои баланд дода, зикр кард, ки неъмати боғу полезҳоро ба манфиати мардум истифода бурдан хеле муҳим ва манфиатовар аст.

13 июл Президенти Ҷумҳурии Тоҷикистон Эмомалӣ Раҳмон ба шаҳри Хуҷанд ташриф овард.

13 июл Президенти Ҷумҳурии Тоҷикистон Эмомалӣ Раҳмон баъд аз нисфирӯз ба ноҳияи Исфара ташриф овард.

Эмомалӣ Раҳмон бо фаъолияти хоҷагии тухмипарварии ба номи Ҳамрохӯҷа Мукаррамови ноҳияи Исфара шинос шуд. Ҳини сӯҳбат аз ҳамкории самарабахши олимон ва мутахассисони соҳаҳои ҳоҷагии халқи вилоят, ки дар иртибот бо мутахассисони хориҷӣ навъҳои нави дарахтони мевадиҳанда ва дигар зироатҳоро ба вуҷуд овардаанд, изҳори қаноатмандӣ намуд.

13 июл Президенти Ҷумҳурии Тоҷикистон Эмомалӣ Раҳмон аз вилояти Суғд боздиди корӣ ба амал овард.

Шиносоии Сардори давлат бо вазъияти иҷтимоию иқтисодии вилоят аз ноҳияи Конибодом оғоз ёфт. Ҳангоми ташриф ба Ҷамъияти саҳҳомии "Шоҳон", ки яке аз корхонаҳои бузургтарини коркарди нафт маҳсуб мегардад, Эмомалӣ Раҳмон ба муассисон ва мутахассисони корхонаи мазкур изҳори миннатдорӣ намуда, зикр кард, ки Ҳукумати Ҷумҳурии Тоҷикистон ҳама гуна ташаббусро, ки ба манфиати халқ ва давлат равона гардидааст, ҳамеша дастгирӣ хоҳад кард.

12 июл Президенти Ҷумҳурии Тоҷикистон Эмомалӣ Раҳмон бо директори ширкати байналхалқии аудитории "Прайсуотерхаускуперс Н.В." Рулоф Лотсе мулоқот кард.

11 июл Президенти Ҷумҳурии Тоҷикистон Эмомалӣ Раҳмон бо ҳамраиси комиссияи байниҳукуматии Тоҷикистону Россия оид ба ҳамкории иқтисодӣ, вазири саноат, илм ва технологияи Федератсияи Россия Александр Дондуков мулоқот намуд.