30 июн Президенти Ҷумҳурии Тоҷикистон Эмомалӣ Раҳмон маҷлиси навбатии Ҳукумати Ҷумҳурии Тоҷикистонро доир намуд.
Маҷлис чун анъана аз баррасии масъалаи кадрҳо оғоз ёфт.
Яке аз масъалаҳои асосии дар маҷлис муҳокимашуда ҷамъбасти натиҷаҳои иҷтимоию иқтисодии хоҷагии халқи ҷумҳурӣ дар давоми нимаи аввали соли 2001 буд.
27 июн Президенти Ҷумҳурии Тоҷикистон Эмомалӣ Раҳмон эътимодномаи Сафири Фавқулодда ва Мухтори Ҷумҳурии Чехия Ярослав Лудваро қабул намуд.
Эмомалӣ Раҳмон аз натиҷахои сафараш ба Чехия дар соли гузашта изҳори қаноатмандӣ намуд.
Сарвари давлат зикр кард, ки Ҷумҳурии Чехия аз аввалин давлатҳои Аврупои Шарқӣ мебошад, ки бо Ҷумҳурии Тоҷикистон муносибатҳои дипломатӣ барқарор карда буд.
27 июн Президенти Ҷумҳурии Тоҷикистон Эмомалӣ Раҳмон ба муносибати солгарди чоруми имзои Созишномаи умумии истиқрори сулҳ ва ризоияти миллӣ тамоми мардуми шарифи Тоҷикистонро табрик кард.
Дар паёми табрикии Сарвари давлат аз ҷумла омадааст:
27 июн аз рӯзи имзои Созишномаи умумии истиқрори сулҳ ва ризоияти миллӣ дар Тоҷикистон чор сол мегузарад, яъне ниҳоли сулҳи саросари Ватани азизамон чорсола мешавад.
23 июн Президенти Ҷумҳурии Тоҷикистон Эмомалӣ Раҳмон Сафири Фавқулодда ва Мухтори Украина дар Ҷумҳурии Тоҷикистон Анатолий Касяненкоро қабул намуд.
Зимни вохӯрӣ табодули назари муфиду гуногунпаҳлӯ оид ба ҳолат ва дурнамои муносибатҳои ду давлат баргузор гардид.
Дар ин васила маҷмӯи масъалаҳои марбут ба тайёрии сафари нахустини расмии Президенти Ҷумҳуриии Тоҷикистон Эмомалӣ Раҳмон ба Украина дар даҳаи аввали моҳи июли соли 2001 дида баромада шуданд.
21 июн Президенти Ҷумҳурии Тоҷикистон, раиси Ҳукумати Ҷумҳурии Тоҷикистон Эмомалӣ Раҳмон "Дар бораи аз вазифаи ректори Донишкадаи тарбияи ҷисмонии Тоҷикистон озод намудани Ҷобиров Б.С." ва "ба вазифаи ректори Донишкадаи тарбияи ҷисмонии Тоҷикистон таъин намудани Маҳмадов А.Н." қарор ба имзо расонд.
18 июн Президенти Ҷумҳурии Тоҷикистон Эмомалӣ Раҳмон ҳайати намояндагони Шӯрои директорони Бонки Аврупоии Таҷдид ва Рушдро қабул намуд.
Зимни вохӯрӣ табодули назари муфиду созанда атрофи самтҳои асосӣ ва самарабахши инкишофи ҳамкориҳои дорои манфиати тарафайн байни Тоҷикистон ва бонки мазкур дар ояндаи наздик баргузор гашт.
15 июн дар Шанхай вохӯрии 6 давлат дар шакли ҷаласаи ҳайати васеъ идома дода шуд.
Президенти Ҷумҳурии Тоҷикистон Эмомалӣ Раҳмон дар ҷаласа оид ба масъалаҳои муҳокимашаванда сухан намуд
Пас аз анҷоми ҷаласа маросими ба имзо расонидани "Эъломия дар бораи таъсиси Созмони ҳамкории Шанхай" ва "Конвенсияи Шанхай оид ба мубориза бо терроризм, сепаратизм ва экстремизм" ва бо намояндагони матбуот вохӯрӣ баргузор гашт.
14 июн Президенти Ҷумҳурии Тоҷикистон Эмомалӣ Раҳмон то оғози вохӯрии сарони давлатҳои "Панҷгонаи Шанхай" дар доираи маҳдуд ва дар вазъияти ғайрирасмӣ бо Раиси Ҷумҳурии Халқии Чин Тсзян Тсземин вохӯрд.
Дар рафти вохӯрӣ доираи васеи масъалаҳои дорои таваҷҷӯҳи тарафайн муҳокима гардиданд.
Сарони давлатҳо зарурати таҳкими ҳамдастиро дар мубориза бар зидди чунин ҷиноятҳои миқёси баналхалқӣ, чун ҷудоиандозӣ, терроризм ва экстремизм зикр намуданд.