21 май Президенти Ҷумҳурии Тоҷикистон Эмомалӣ Раҳмон раиси Бонки марказии Россия Виктор Геращенкоро, ки барои иштирок дар кори ҷаласаи 2-юми Шӯрои роҳбарони бонкҳои марказӣ(миллӣ)-и мамлакатҳои Иттиҳоди Аврупоию Осиёӣ ба Душанбе омадааст, қабул намуд.

Зимни вохӯрӣ масъалаҳои рӯзномаи ҷаласаи Шӯрои номбурда мавриди табодули назари ҷонибҳо қарор гирифт.

21 май Президенти Ҷумҳурии Тоҷикистон Эмомалӣ Раҳмон "Дар бораи раиси вилояти Хатлон таъин намудани Миралиев Амиршо" фармон имзо кард.

17 май Президенти Ҷумҳурии Тоҷикистон Эмомалӣ Раҳмон дар доираи сафари корӣ ба Ҷопон ба шаҳри Киото омад.

17 май Президенти Ҷумҳурии Тоҷикистон Эмомалӣ Раҳмон дар кори семинари Тоҷикистону Ҷопон оид ба савдо ва инвеститсия ба Ҷумҳурии Тоҷикистон, ки дар ҳузури намояндагони СММ (Иво Петров) ва ташкилотҳои байналмилалии молияву қарз ба фаъолият шурӯъ кард, ширкат варзид ва маърӯза кард.

16 май Президенти Ҷумҳурии Тоҷикистон Эмомалӣ Раҳмон бо арбобони ҷамъиятию сиёсӣ - вакили Палатаи намояндагони парлумони Ҷопон Мунэо Судзуки ва вакили Палатаи мушовирони парлумон Кэидзо Такэми мулоқот кард.

Ҷонибҳо оид ба зарурати густариши равобити парлумонии ду давлат сухан ронданд.

16 май Президенти Ҷумҳурии Тоҷикистон Эмомалӣ Раҳмон дар қароргоҳи муваққатии худ дар Токио, баъди тамошои толори намоишгоҳи ширкати телекомуникатсионии "NTT DOCOMO", бо роҳбари агентии Ҷопон оид ба ҳамкории байналмилалӣ (JICA - "Ҷайка") Кунухико Сайто мулоқот намуд.

16 май Президенти Ҷумҳурии Тоҷикистон Эмомалӣ Раҳмон дар таъсиси Ассосиатсияи "Ҷопон-Тоҷикистон" иштирок ва суханронӣ намуд.

Президенти Ассосиатсияи мазкур собиқ Сафири Фавқулодда ва Мухтори Ҷопон дар Ҷумҳурии Тоҷикистон К.Ватанабэ аз мӯҳтавои маърӯзаи Президенти Ҷумҳурии Тоҷикистон Эмомалӣ Раҳмон ва аз густариши ҳамкориҳои Тоҷикистон ва Ҷопон изҳори қаноатмандӣ намуд.

16 май Президенти Ҷумҳурии Тоҷикистон Эмомалӣ Раҳмон бо Гурӯҳи машваратии мамлакатҳои мададрасони Тоҷикистон дар Токио мулоқот намуд ва оид ба ҷараёни ислоҳоти иқтисодӣ дар Тоҷикистон сухан ронд.

16 май Президенти Ҷумҳурии Тоҷикистон Эмомалӣ Раҳмон бо Сарвазири Ҷопон Дзюничиро Коидзуми мулоқот намуд.

15 май Президенти Ҷумҳурии Тоҷикистон Эмомалӣ Раҳмон дар назди ҳайати профессорону устодон ва донишҷӯёни Донишгоҳи СММ дар Токио оид ба Ҷумҳурии Тоҷикистон ва мавқеи он дар минтақа ва ҷаҳон маърӯза кард.

Ҳозирон маърӯзаи Сардори давлати Тоҷикистонро бо мароқи зиёд гӯш карданд ва дар ҷамъбасти мулоқот изҳор доштанд, ки дар бораи Тоҷикистон ва давлатҳои минтақа барои худ маълумотҳои муфид гирифтаанд.